Tibbiyot instituti pediatriya kafedrasi «tasdiqlayman»

Go’sht va go’sht maxsulotlari.
Go’sht oqsilga boy maxsulot bo’lib hisoblanadi. Go’sht fosfor, kaliy, natriy, magniy, kaltsiyga va V guruh vitaminlariga boy. Uning miqdori 1,5 yosh bolalar uchun 50 g, 1,5-3 yoshgacha 70 g tashkil etadi.
Yosh bolalar ovqatida kam yog’’li qoramol go’shti, tanacha go’shti, jo’ja va quyon go’shti ishlatiladi. Eng ko’p qo’llaniladigan yuqori qiymatli maxsulotga jigar kiradi. Unda A, D, V guruh vitaminlari, kaltsiy, temir mikroelementlari ko’p. Bolalarga 1,5-2 yoshdan xasib maxsulotlaridan sosiska va qaynatilgan xasib berish mumkin. Baliq va baliq maxsulotlari.Baliqdagi oqsillar yengil hazm bo’ladi va so’riladi. Baliq yog’’lari tarkibida A, D vitamini, biologik aktiv yarim to’yinmagan kislotalar va fosfatidlar bor. To 1,5 yoshgacha baliq miqdori 20 g, 1,5-3 yoshgacha25 g. Uch yoshgacha bo’lgan bolalarga yog’’siz baliq turlari (treska, xek, sudak, okun) tavsiya qilinadi.
Tuxum.
Muhim maxsulot hisoblanadi. O’rtacha kunlik miqdori 25 g. Tovuq tuxumi oqsilidagi aminokislotalar bola organizmiga optimal hisoblanadi. Tuxum sarig’ida yog’’, letsitin, fosfor, temir, mis, yod tuzlari va A, D, V, V6, Ye vitaminlari ko’p.
Qaynatib pishirilgan tuxum xom tuxumga qaraganda yengil hazm bo’ladi, shuningdek xom tuxumda mikroorganizmlar bo’lishi mumkin, shuning uchun yosh bolalarga tavsiya etilmaydi.
Non va non maxsulotlari.
Bolalar nonni har kuni kundalik maxsulot sifatida iste’mol qilishadi. Non o’simlik oqsillariga, uglevodlarga, mikroelementlarga va V guruhdagi vitaminlarga boy. Bolalar iste’mol qilishi uchun bug’doy va qora non tavsiya etiladi. Qora non tarkibida ko’p miqdorda kletchatka bo’lib hazm qilish jarayonini mo’tadillashtiradi. Shuningdek qora non tarkibida almashtirilmaydigan lizin aminokislotasi ko’p bo’lganligi sababli bug’doy nonidan biologik qiymati ustundir.
Bolalarni ovqatlantirishda non maxsulotlaridan pechene, qoq non, kulchalardan foydalaniladi. Bug’doy nonini kunlik miqdori 50-60 g, qora non10 g ni tashkil etadi.