Tibbiyot instituti pediatriya kafedrasi «tasdiqlayman»

Fanning o‘quv rejadagi boshqa fanlar bilan o‘zaro bog‘liqligi
va uslubiy jihatdan uzviyligi

“Pediatriya” fani umumkasbiy fanlar blokiga kiritilgan kurs hisoblanib, 4-kursning 7-semestrida o‘qitiladi.

Mazkur dasto’rni amalga oshirish uchun talaba o‘quv rejasidagi “Odam anatomiyasi”, “Normal va patologik fiziologiya”, “Biokimyo”, “Mikrobiologiya”, “Farmakologiya”, “Akusherlik va ginekologiya”, “Terapiya” fanlaridan bilim va ko‘nikmalarga ega bo‘lishi talab etiladi.


Fanning ilm-fan, iqtisodiyot va ishlab chiqarishdagi o‘rni

“Pediatriya” fani umumiy gigienist-epidemiologlarda bolalar organizmining o‘ziga xos xususiyatlari, ularda kechuvchi kasalliklar to‘g‘risida bilimlar asosini shaqllantirishda muhim ahamiyatga ega. Respublikamiz aholisining 45%dan ortig‘ini bolalar tashkil qilgani uchun pediatriya fanining sog’liqni saqlash tizimidagi o‘rni katta.

Fanni o‘qitishdagi zamonaviy axborot va pedagogik texnologiyalar
hamda o‘quv mashg‘ulotlarini loyihalash

Talabalarning “Pediatriya” fanini o‘zlashtirishlari uchun o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tadbiq qilish muhim ahamiyatga egadir. Fanni o‘zlashtirishda darslik, o‘quv va uslubiy qo‘llanmalar, ma’ruza matnlari, tarqatma materiallar, elektron materiallar, keys-texnologiyalaridan foydalaniladi. Ma’ruza va seminar mashg‘ulotlarida o‘qitishning interaktiv usullari (vizual, muammoli, mualliflik ma’ruzalari, ikki tomonlama tahlil, Insert, klaster, “Venna”, Sinkveyn va boshqalar)dan foydalaniladi.

Fan o‘qituvchisi tomonidan pedagogik va modulli texnologiya tamoyillari asosida “Pediatriya” fani o‘quv mashg‘ulotlarining loyihalari ishlab chiqiladi.


ASOSIY QISM
Fanning nazariy mashg‘ulotlari mazmuni
1-modul. Bolalar salomatligi

Bolalar kasalxonasining strukturasi, xujjatlarning yuritilish tartibi. Bolalar kasalliklari fanining rivojlanish tarixi. Pediatriya fani rivojlanishiga xissa qo‘shgan olimlar. Pediatriyada etika va deontologiya. Bolalik davrlari xaqida tushuncha. Bolalarning jismoniy rivojlanishi monitoringi. Psixomotor rivojlanish ko‘rsatkichlari.