Тиббий хизматларни тақдим этиш учун -сонли шартнома тошкент шаҳри 2020 йил Бундан буён «Компания»

«Экспертиза далолатномаси» – мазкур Шартноманинг 3-иловасида кўрсатилган шакл бўйича тузилган, Тиббиёт муассасаси томонидан тақдим этилган ҳисобварақлар экспертизаси, статистик ахборот ва бирламчи тиббий ҳужжатлар натижаларини акс эттирадиган ҳужжат.

3. 
   ТАРАФЛАРНИНГ ҲУҚУҚ ВА МАЖБУРИЯТЛАРИ
   

1. 
   Компания қуйидаги мажбуриятларни ўз зиммасига олади:
   

• 
  МҚҚМ орқали Тиббиёт муассасасини Мижоз мурожаат қилганлиги ҳақида дастлабки тарзда хабардор қилиш;
  
• 
  Тиббиёт муассасаси томонидан тақдим этилган ҳисобварақни тўлиқ ҳажмда, номувофиқликлар/ келишмовчиликлар аниқланганда эса, Экспертиза далолатномасида кўрсатилган натижаларга мувофиқ тўлаш;
  
• 
  Тиббий хизмат кўрсатиш дастурлари билан қопланмайдиган касалликлар аниқланган тақдирда, мазкур касалликни ташҳислаш муносабати билан юзага келган, Компания билан келишилган барча тиббий харажатларни тўлаш.
  

2. 
   Тиббиёт муассасаси қуйидаги мажбуриятларни ўз зиммасига олади:
   

• 
  Мижозларга ўз вақтида, малакали ва сифатли тиббий ёрдамни кўрсатиш;
  
• 
  мазкур Шартноманинг шартларига мувофиқ МҚҚМ нинг йўлланмаси бўйича Мижозларга амбулатория-поликлиника ёки стационар ва бошқа тиббий ёрдамни кўрсатиш;
  
• 
  Мижоз Тиббиёт муассасасига тўғридан-тўғри (МҚҚМ нинг йўлланмасисиз) мурожаат қилган тақдирда, Тиббиёт муассасасининг ходимлари мазкур Мижозга тиббий хизматлар кўрсатиш имкониятини аниқлаш учун МҚҚМ билан боғланиши шарт.
  

МҚҚМ билан боғланиш мумкин бўлмаган (Мижознинг ҳолати оғир бўлганлиги туфайли, МҚҚМ дан ёрдам кўрсатиш имконияти ҳақида сўрашга вақт бўлмаган) тақдирда, Тиббиёт муассасаси Мижозга зарур бўлган тиббий ёрдамни Тиббий хизмат кўрсатиш дастури доирасида кўрсатади. Мижозга зарур бўлган тиббий ёрдам кўрсатилганидан кейин Тиббиёт муассасаси юз берган ҳодиса ҳақида дарҳол МҚҚМ га хабар бериши шарт. Тиббиёт муассасаси томонидан Мижознинг мурожаат қилганлиги ҳақида ўз вақтида хабар берилмаган тақдирда, Компания мазкур Мижозга кўрсатилган тиббий хизматлар ҳақини тўлашга кафолат бермайди;

• 
  Мижозда Тиббий хизмат кўрсатиш дастурлари билан қопланмайдиган касалликлар аниқланган тақдирда, Тиббиёт муассасаси бу ҳақда МҚҚМ га дарҳол хабар бериши шарт;
  
• 
  Мижозларга амалдаги қонун ҳужжатларига мувофиқ ўз ваколатлари доирасида касаллик билан боғлиқ бўлган зарур тиббий ҳужжатларни (меҳнатга вақтинчалик лаёқатсизлик варақаси, касаллик тарихидан кўчирма, маълумотномалар, рецептлар) бериш;
  
• 
  Компаниянинг ваколатли ходимларига Мижозларга кўрсатилган кўрсатилган тиббий ёрдам ҳажмини ва сифатини баҳолаш ҳамда мазкур Шартнома бажарилиши устидан назоратни амалга ошириш учун керакли ҳужжатларни ўз вақтида тақдим этиш;
  
• 
  ҳар бир Мижоз учун мазкур Шартноманинг 2-иловасига кўра белгиланган шаклда Тиббий- статистика картасини расмийлаштириш ва ҳар ойнинг ўнинчи санасидан кечиктирмай Мижозларнинг Тиббий-статистика карталарини илова қилган ҳолда Кўрсатилган хизматлар далолатномасини ҳамда ўтган ой учун Мижозларга кўрсатилган Тиббий хизматлар учун ҳисобварақни (ҳисобварақ-фактурани) Компанияга тақдим этиш;
  
• 
  Компанияни Тиббиёт муассасаси томонидан кўрсатиладиган тиббий хизматлар рўйхати ва қиймати ўзгариши билан боғлиқ барча ўзгартиш ва қўшимчалар ҳақида хабардор қилиш. Мазкур ўзгартиш ва қўшимчалар ушбу Шартномага нисбатан Компания ёзма равишда хабардор қилинганидан кейин 15 кун ўтгач кучга киради.
  

4.