Тиббий хизматларни тақдим этиш учун -сонли шартнома тошкент шаҳри 2020 йил Бундан буён «Компания»

«Эксперт комиссияси» (бундан буён матнда комиссия деб юритилади) – фақат келишмовчиликлар юз берган тақдирда чақириладиган, Мижозга кўрсатилган тиббий хизмат ҳажми ва сифатини унинг ташҳисига мослигини баҳоловчи ва бу ҳақида хулосани тақдим этадиган мутахассислар гуруҳи. Комиссия таркибига Компания тарафидан – Тиббий қўллаб-қувватлаш гуруҳи мутахассиси (шифокор-эксперт, тиббий мувофиқлаштирувчи), Тиббиёт муассасаси тарафидан – Раҳбар/бош шифокор ёки бош шифокорнинг (бошлиқнинг) даволаш ишлари бўйича ўринбосари ва бош бухгалтер киради. Зарурат бўлганида комиссия таркибига тарафларнинг ўзаро келишувига биноан мустақил мутахассислар жалб қилиниши мумкин.

«Мижозларни қўллаб-қувватлаш маркази» (бундан буён матнда МҚҚМ деб юритилади) – Суғурта қилдирувчиларнинг/Суғурта қилинган шахсларнинг суғурта ҳодисалари тўғрисидаги мурожаатларини 1166 ягона рақами орқали сутка давомида қабул қиладиган, суғурта даъволарини кўриб чиқадиган ва тартибга соладиган ҳамда Хизматларни етказиб берувчилар томонидан тақдим этиладиган хизматлар ташкил қилинишини таъминлайдиган Компаниянинг ихтисослаштирилган сервис хизмати.

«Ихтиёрий тиббий суғурта дастури» – тиббий суғурта қилиш шартномасида назарда тутилган, Мижозга кўрсатилиши мумкин бўлган тиббий хизматлар рўйхати.

«Суғурта полиси/Сервис картаси» – белгиланган намунадаги Компания томонидан тиббий суғурта қилиш шартномаси асосида берилган белгиланган намунадаги ҳужжат, унга мувофиқ Компания Мижозга тиббий хизматлар кўрсатилишини ташкил қилади.

«Мижоз» – Суғурта полисига/Сервис картасига эга бўлган ва Компанияда тиббий суғурта шартномаси шартларига мувофиқ суғурта қилинган деб қайд этилган шахс.

«ИТС Суғурта полислари бўйича суғурта қилинган Мижозларга тиббий хизмат кўрсатиш тартиби тўғрисидаги ишларни юритишга доир йўриқнома» – мазкур Шартноманинг
1-иловасида келтирилган, иш тартибини ва Тарафларнинг ўзаро ҳамкорлигини белгилаб берадиган ҳужжат.