Тиббиётда ахборот технологиялари rtf

II.Ўқув фанининг мақсади ва вазифалари
Фанни ўқитишдан мақсад – тиббиётда ахборот технологиялардан фойдаланиш фанининг бугунги кунда тиббиёт масалаларини ечишда ҳамда даволаш ва илмий - амалий фаолиятни сифатли даражада олиб боришда, ахборот технологияларидан тўғри фойдалана оладиган кадрларни тайёрлашда алоҳида ўрин тутади. Бакалаврлар замонавий компьютер технологиялари ёрдамида олинган тиббий-биологик ахборотни қайта ишлаш, таҳлил қилиш, иш жараёнини автоматлаштириш ҳамда тўғри қарор қабул қила олиши зарур. Жумладан, математик моделлаштириш услублари, интернет тармоғида, замонавий компьютер технологиялари билан ишлашни билиши зарур. Ахборот технологияларининг аҳамияти ва ривожланишини тенденцияларини билиши техник, дастурий, тармоқ ресурсларидан самарали фойдаланиш кўникмаларига эга бўлишини талаб этади.
Фаннинг вазифаси - тиббиёт соҳасида компьютер технологияларидан фойдаланишдаги назарий ва амалий билимларни эгаллаш, тиббиётда қўлланилаётган физик ва математик моделлар тўғрисидаги замонавий назарий билимларни эгаллаш, тиббий статистик маълумотларни тўғри тахлил қила билиш, таҳлил қилинган натижалардан келиб чиққан ҳолда касалликнинг олдини олиш ёки даволаш йўлларини аниқлаш, ахборот технологияларидан фойдаланиш борасида асосий амалий кўникмаларга эга бўлиш, интернет тармоғида ишлаш, ахборот қидириш ва улардан фойдаланиш, тиббиёт ахборт тизимлари хусусиятлари, маълумотлар базасини ташкил этиш, эксперт тизимлари ва ахборот хавфсизлиги асосларини билиши керак.
“Тиббиётда ахборот технологиялари” ўқув фанини ўзлаштириш жараёнида амалга ошириладиган масалалар доирасида бакалавр:
- Тиббиёт информатикаси асоси, тушунчалари ва тасавурларининг умумийлиги, тиббий олами жараёнларини англашда алоҳида аҳамият касб этиши ҳақида;
- Ахборот тушунчалари ва турлари. Тиббиёт масаларини ечишда информатиканинг ўрни;
- Соғлом жамият қуришда ахборотлаштиришнинг ўрни. Соғлиқни сақлаш тизимини ахборотлаштиришда жаҳон тажрибалари ва мамлакатимизда бу борада олиб борилаётган ишлар;
- содда тиббий биологик масалаларни математик моделлаштириш ҳақида;
- ҳозирги замонда информатиканинг ўрни ва роли, маълумотларни сақлаш, қайта ишлаш ва узатиш ҳақида;
- тажриба натижаларини қайта ишлашнинг асосий усуллари ҳақида