Тиббиёт олий таълимгохи талабалари учун дарслик

Натижаси. Касалликнинг окибати унинг чузилишига, актив ёки пассивлигига, кайталовига бевосита боглик. Агар касаллик болаликдан, буйрак ёки сийдик йуллари аномалиясидан бошланса, сурункали пиелонефрит буйрак иш фаолиятининг бузилишига ва нефроген артериал гипертензияга сабаб булади. Иккала асорат баробар келиб колса, окибат айникса нохуш булади.
Пионефроз. Пионефроз деб буйракнинг специфик ёки неспецифик йиринглашган деструктив шикастланишининг охирги стадиясига айтилади. Пионефротик буйрак йиринг туфайли парчаланган булиб, айрим бушликлари йиринг, сийдик ва тукиманинг парчаланиши натижасида хосил булган моддалар билан тулган булади. Буйракни жомининг девори калинлашган, инфильтрацияга учраган. Пионефроз доим пери ёки паранефрит билан бирга юради. Пионефроз купинча сийдик тош касаллиги туфайли сийдик йулларида яллигланишнинг актив фазасида узок давом этган аномалиялар ёки огрик билан бирга сурункали пиелонефритнинг боши хисобланади.
Аломатлари ва клиник утиши. Пионефроз билан хасталанганда, белининг узига хос жойида кескин булмаган симиллаб огришлар пайдо булади. Бу огрик касаллик авж олганда кучаяди. Пайпаслаш билан силлик, зич ва катталашган, харакатчанланган буйрак аникланади. Касаллик сурункали булиб утаётганида, Пастернацкий аломати кам сезиларли даражада булади, кучайганда ижобий булади. Пионефрозда пиурия кучаяди: сийдик лойка булиб, парча-парча доналар сузиб юради. Сийдик идиши билан колдирилганда эса сийдик хажмининг 4/1 ни ташкил килган йирингдан иборат чукма хосил булади.
Ташхиси. Хромоцистоскопия вактида юваётган суюклик тезда лойкаланади, сийдик йули тешиги сохасида шилимшик пардадаги томирлар кенгайган булиб, унинг ичидан худди тюбикдан паста чиккандек йиринг чикиб туради: шикастланган томондан индигоркармин ажралиб чикмайди. Рентгенологик текшириш усуллари пионефроз ташхисида хал килувчи ахамиятга эга. Умумий рентгенограммада йугонлашган буйрак куланкаси аникланиб, бел мушакларининг шакли куринмайди.
Экскретор урограммаларда зарарланган буйракда рентгеноконтраст модда аникланмайди ёки факат кечрок (1,5 – 3 соат) булган рентгенограммаларда унинг кучсиз ва шаклсиз куланкаси булади. Ретроград пиелограммаларда хар хил катталикда, киргоклари текис булмаган, кенгайган текшиклар куринади (87-расм).