ТАЪЛИМ СИФАТИНИНГ ЮҚОРИ ДАРАЖАДА БЎЛИШИНИ
ТАЪМИНЛАШГА ЙЎНАЛТИРИЛГАН ЁНДАШУВЛАР
Алламбергенова М.Х.-п.Ф.Н., доцент, Жугинисова Ж.И.- ўқитувчи, Ажиниёз
номидаги НДПИ, Нукус, Казбекова Э. – магистрант, Бердоқ номидаги ҚДУ,
Ўзбекистон.
Аннотация.
Ушбу мақолада таълим сифатининг юқори даражада бўлишини
таъминлашга йўналтирилган ёндашувлар, таълим олувчиларнинг билиш жараёни
компетенцияларини ривожлантириш, “компетенция”, “компетентлик” тушунчалари, таълим
олувчиларда билиш жараёни компетенцияларини ривожлантириш стратегиялари ҳақида сўз
юритилади.
Таянч сўзлар:
таълим-тарбия, билим, кўникма, малака, компетенцияли ёндашув,
компетенция, педагогик технология, методика, мустақил таълим, лойиҳалаш.
ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
185
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ
Аннотация
. В данной статье рассматриваются подходы, направленные на
обеспечение высокого качества образования, развитие компетенций познавательного
процесса студентов, понятия «компетенция», «компетентность», стратегии развития
компетенций познавательного процесса учащихся.
Ключевые слова:
образование и воспитание, знания, навыки, компетенции,
компетентностный подход, педагогические технологии, методология, самостоятельное
обучение, проектерование.
Annotation
This article discusses approaches aimed at ensuring high quality education, the
development of competencies in the cognitive process of students, the concepts of "competence",
"competence", strategies for developing competencies in the cognitive process of students.
Keywords:
education and upbringing, knowledge, skills, competencies, competency-based
approach, pedagogical technologies, methodology, self-study, project.
Жаҳоннинг ривожланган мамлакатлари сафидан муносиб ўрин эгаллашга интилиш
йўлидаги кенг кўламли ислоҳотларни амалга ошириш, уларнинг тажрибаларини ўрганиш, шу
билан бир қаторда ҳаётнинг барча соҳаларида янгидан-янги ютуқларга эришиш бугунги
куннинг долзарб вазифалари ҳисобланади.
Турли соҳаларда йўлга қўйилаётган халқаро ҳамкорлик гарчи ўз самарасини бераётган
бўлса-да, аммо, таълим тизимини ҳар томонлама мустаҳкамлаш, эришилган ютуқларни
бойитиш, мавжуд камчиликларни бартараф этиш биздан ташаббускорлик, тадбиркорлик,
ижодкорлик ва мустақиллик кўрсатишни талаб этмокда.
Ижтимоий тараққиётнинг замонавий босқичи узлуксиз таълим тизими олдига ёш
авлодни ҳар жиҳатдан баркамол этиб тарбиялаш вазифасини қўймоқда. Шу боис
республикамизда таълим сифати ва мазмунини такомиллаштириш, уни илғор ғоялар билан
бойитиш, бу даврда таълим олувчиларнинг чуқур билим олишларига имкон берувчи моддий-
техник базани мустаҳкамлашга алоҳида эътибор қаратилмоқда.
Мамлакатимиз таълим тизимида амалга оширилаётган ислоҳотлар таълим сифатининг
юқори даражада бўлишини таъминлашга қаратилган бўлиб, ушбу йўналишда
муваффақиятни белгиловчи асосий омиллардан бири – таълим олувчиларнинг замонавий
билим, кўникма ва малакаларни эгаллаганлиги ҳамда уларнинг билиш жараёни
компетенцияларини ривожлантиришни илмий тадқиқ қилиш ҳисобланади. Чунки, ижодкор,
мустақил фикрловчи шахсларни тарбиялаш вазифалари фақат таълим тизимида амалга
оширилади. Бу ўз ўрнида таълим тизимини тубдан ислоҳ қилишни тақозо этмоқда, чунки
мукаммал таълим тизими республикамизнинг келажакдаги интеллектуал имкониятларини ва
ривожланишини белгилаб берувчи таълим олувчиларни ҳар томонлама ижодкор, мустақил
фаолият юритадиган қилиб тарбиялашда ҳал қилувчи рол ўйнайди [1].
Бугун республикамиз таълим тизимида инновацион технологияларга асосланган
таълим тизимини такомиллаштириш, унинг миллий заминини мустаҳкамлаш, ижтимоий
фаол ва малакали рақобатбардош кадрлар тайёрлашни жаҳон андозалари даражасига
чиқариш масалаларида тадқиқотлар олиб борилмоқда. Таълим соҳасидаги сифат
ўзгаришлари ва юқори самарадорлик уларнинг жаҳон таълим талаблари билан мослиги ва
таълим олувчиларнинг ўзлаштирган компетенциялари қай даражада амалиётга татбиқ
қилинаётганлигига боғлик.
Таълим тизимидаги муаммоларни ўрганиш ва таҳлиллар замонавий таълим
олувчиларнинг компетенциялари тезкор ривожланаётган таълим жараёнларининг
талабларидан орқада қолаётганини кўрсатмоқда. Бу ҳолат педагогик таълимни
ривожлантириш ва узлуксиз таълим жараёнида таълим олувчиларда билиш жараёни
компетенцияларини ривожлантириш билан боғлик муаммоларнинг долзарблигини
кўрсатади.
Do'stlaringiz bilan baham: |