The economy of enterprise

Мазкур маъруза матнининг мақсади
- талабаларга барча иқтисодий 
масалалар ечимини топиш, келажакда иқтисодий билимлар олиш учун ўзига 
хос пойдевор бўлиб хизмат қилувчи замонавий корхоналар иқтисодиёти 
асосларини ўрганишга кўмаклашишдир. 

---

11 
I-МАВЗУ. «КОРХОНА ИҚТИСОДИЁТИ» КУРСИНИНГ МАЗМУНИ ВА 
ВАЗИФАЛАРИ 
1.2.
Иқтисодиёт фан ва ишлаб чиқариш фаолиятининг соҳаси сифатида 
1.3.
«Корхона иқтисодиёти» – иқтисодий фаннинг таркибий қисми ва 
билимлар соҳаси таркибий қисми 
1.3. «Корхона иқтисодиёти» курсининг мазмуни, вазифалари ва бошқа 
фанлар билан алоқаси 
 
1.1. Иқтисодиёт фан ва ишлаб чиқариш фаолиятининг соҳаси сифатида 
“Борлиқ онгни белгилайди” ибораси маълум бир жиҳатлари билан ҳар 
бир инсон ҳамда жамият ҳаёти ва иқтисодиётнинг тузилишини англатади. Шу 
сабабли иқтисодиётнинг оила ўчоғи миқёсида, шунингдек, корхона, тармоқ ва 
бутун халқ хўжалиги миқёсида кўриб чиқилиши бежиз эмас. Сўнгги ҳолатда 
гап макроиқтисодиёт ҳақида, унинг тенденциялари, қонуниятлари ҳақида 
бориб, унда кўриб чиқиладиган муаммолар баъзи ҳолларда корхона 
иқтисодиётидан сезиларли равишда фарқланади. 
“Иқтисодиёт” атамаси биринчи бор Аристотел томонидан киритилган 
ҳамда одамларнинг товар ишлаб чиқариш ва айирбошлашдаги хўжалик 
фаолиятини англатган. Товар ишлаб чиқариш, айирбошлаш ва реализация 
қилиш тизими қанчалик яхши ташкил қилинган бўлса, иқтисодиёт 
кўрсаткичлари ва аҳолининг турмуш тарзи, ресурсларсдан оқилона 
фойдаланиш, баҳони шакллантириш, солиққа тортиш, самарали қўлланувчи 
бошқарув тизими каби омилларни ҳисобга олган ҳолда, шунчалик юқори 
бўлади. 
Иқтисодиётнинг инсон ва жамият ҳаётидаги ўрни ва аҳамиятига ўз 
вақтида А.Смит юқори баҳо бериб, у инсонни “homo economicus” - “иқтисодий 
одам” деб атаган. Ҳақиқатдан ҳам, ҳар бир одам иқтисодиётнинг моҳиятини, 
ҳаёт неъматлари нималар эвазига берилишини англамагунча, маблағларни 
ишлаб топиш ва улардан самарали фойдаланишни ўрганмагунча, оила миқёси 
ва ундан юқори даражадаги иқтисодиёт учун маъқул келувчи сифат ва миқдор
параметрларига эга бўлади, деб ўйлаш нотўғри бўлар эди. Демак, иқтисодиёт 
параметрлари (ҳам салбий, ҳам ижобий) аввало инсонлар ҳаракати ва 
фаолиятининг, оқилона ҳўжалик юритиш, моддий бойликларни ишлаб 
чиқариш, айирбошлаш ва тақсимлашни самарали олиб бориш қобилияти 
натижасида юзага келади. 
Иқтисодиёт инсон ҳаётининг моддий, маънавий, физиологик ва бошқа 
эҳтиёжлари билан боғлиқ бўлган ҳар бир жабҳасини қамраб олади. Оила 
қуриш, келажак авлодни тарбиялаш, зарурий турмуш тарзини таъминлаш учун 
одамларга озиқ-овқат, кийим-бош, тураржой ва бошқа воситалар керак бўлади. 
Бу предметлар, қоидага кўра, иқтисодиётнинг турли тармоқларидаги 
корхоналарда ишлаб чиқарилади. Шу сабабли иқтисодиётнинг, айниқса, 
аввалги маъмурий-буйруқбозлик тизимидаги режали иқтисодиётдан фарқ 
қилувчи бозор иқтисодиётининг ривожланиш тенденциялари ва қонунларини 

---

12 
билиш, рўй бераётган ижтимоий-иқтисодий жараёнларни тушуниш ва исталган 
хўжалик муаммоларини ҳал қилишда муҳим шарт ҳисобланади.