|
Innovatsion faoliyatning
asosiy xususiyatlari
Pedagogik tadqiqot
metodlarini
egallash
Mualliflik
kontseptsiyalarini
yaratish qobiliyati
Ziddiyatlar oldini
olish va bartaraf
etish
Muqobil yechimlar
topa olish
Avval egallangan
bilim, malakalarni
yangi sharoitlarga
ko’chira olish
Boshqa tadqiqotchi,
pedagoglar
tajribasini qo’llash
Hamkasblar bilan
hamkorlik qilish
Fikr almashish va
metodik yordam
ko’rsata olish
Ijodiy faoliyat
ko’nikmasini
egallashga ntilish
Muammolarni
ajrata olish
O’qituvchi innovatsion faoliyatining asosiy xususiyatlari
Agar o’qituvchilarni innovatsion faoliyatga tayyorlash vazifalari malaka
oshirish jarayonida amalga oshirilsa, amaliyotda ta’lim-tarbiya jarayoniga ilg’or
pedagogik va axborot texnologiyalarini tatbiq etish ishlari ancha samarali bo’ladi
hamda masofadan o’qitish tizimi kutilgan natijalarga olib keladi.
O’qituvchi innovatsion faoliyatini tahlil qilib, uning shakllanish bosqichlarini
quyidagicha belgilash mumkin:
Birinchi bosqich: tayyor metodik tavsiyanomalar aniq qilib ko’chiriladi.
Ikkinchi bosqich: mavjud tizimga g’oyalar, metodlar kiritiladi.
Uchinchi bosqich: yangi g’oyani amalga oshirish mazmuni, metodlari va
shakli to’la ishlab chiqiladi.
To’rtinchi bosqich: o’qituvchi o’qitish va tarbiyalashning o’z kontseptsiyasini
va metodikasini ishlab chiqadi.
O’qituvchining innovatsion faoliyati haqida gapirganda bu faoliyatning ilmiy-
metodik o’ziga xosligi haqidagi savol paydo bo’ladi. Bu faoliyatning imkoniyatlari
ta’lim tizimi ko’lamida innovatsion g’oyalar, loyihalar, texnologiyalarni joriy
qilishda va shaxsni rivojlantirishda namoyon bo’ladi. Bu faoliyat imkoniyatlari
quyidagilarda namoyon bo’ladi:
- o’qituvchining yangilikni qo’llashga tayyorgarligi;
- o’qituvchining pedagogik yangilikni qabul qilishi;
- jamoada o’qituvchining novatorlik darajasi;
- o’qituvchi kommunikativ qobiliyatining rivojlanganligi;
- o’qituvchining ijodkorlik darajasi.
O’qituvchilarning yangilikni o’zlashtirishga tayyorgarlik mezonlari esa
o’qituvchi motivatsiyasi, malaka tayyorgarligi, pedagogik tajriba-sinov ishlarini
amalga oshirish borasidagi bilim va malakalari, innovatsiya yo’lidagi to’siqlarni
bartaraf eta olish mahorati bilan belgilanadi.
Hamkorlikda o’qitish g’oyasi turli mamlakatlardagi, jumladan,
Amerikadagi J.Xopkins universiteti professori – R.Slavin (1990), Minnesot
universiteti professori – R.Jonson, D.Jonson (1987), Koliforniya universiteti
professori – SH.SHaron (1988), tomonidan ishlab ishlab chiqilgan. Amerika
olimlari tomonidan ishlab chiqilgan hamkorlikda o’qitish, asosan o’quvchilarda
DTS va fan dasturida qayd etilgan bilim, ko’nikma va malakalarni shakllantirish,
Isroil va Yevropa olimlari tomonidan tavsiya etilgan hamkorlikda o’qitish,
yuqorida qayd etilganidek, ko’proq o’quvchilar tomonidan o’quv materialini qayta
ishlash loyihalash faoliyatini rivojlantirish, o’quv bahsi va munozaralar o’tkazishni
nazarda tutadi. Mazkur g’oyalar bir-birini to’ldiradi, didaktik jihatdan boyitadi va
bir-birini taqozo etadi.
Hamkorlikda o’qitish g’oyasi didaktikada 1970 yillarda paydo bo’lgan.
Hamkorlikda o’qitish texnologiyasi Buyuk Britaniya, Kanada, Germaniya,
Avstraliya, Niderlandiya, Yaponiya, Isroil mamlakatlari ta’lim muassasalarida
keng qo’llanila boshlagan. Hamkorlikda o’qitishning asosiy g’oyasi – o’quv
topshiriqlarini nafaqat birgalikda bajarish, balki hamkorlikda o’qish o’rganishdir.
Hamkorlikda o’qitish har bir o’quvchini kundalik qizg’in aqliy mehnatga, ijodiy
va mustaqil fikr yuritishga o’rgatish, shaxs sifatida onglilik, mustaqillikni
tarbiyalash, har bir o’quvchida shaxsiy qadr qimmat tuyg’usini vujudga keltirish,
o’z kuchi va qobiliyatiga bo’lgan ishonchni mustahkamlash, tahsil olishda
mas’uliyat hissini shakllantirishni ko’zda tutadi. Hamkorlikda o’qitish
texnologiyasi har bir o’quvchining tahlil olishdagi muvafaqqiyati guruh
muvafaqqiyatiga olib kelishini anglagan holda mustaqil va sidqidildan aqliy
mehnat qilishga, o’quv topshiriqlarini to’liq va sifatli bajarishga o’quv materialini
puxta o’zlashtirishga, o’rtoqlariga hamkor bo’lib, o’zaro yordam ubshtirishga
zamin tayyorlaydi.
Ma’lumki, shaxsning ijobiy fazilatlari faoliyat ko’rsatish jarayonida shakllanadi
va faoliyatning natijasi hisoblanadi. Shu sababli o’qituvchilar o’zlarida yangilikka
intilish, mustaqil o’qib-o’rganish, o’z ustida ishlashga nisbatan zaruriyat sezishlari,
o’zlarida innovatsion faoliyat ko’nikma, malakalarini shakllantira olishlari kerak.
Demak, innovatsion faoliyat bir necha bosqichlarda tarkib topadigan faoliyat
bo’lib, o’zining nazariy va amaliy asoslariga ega bo’lgan pedagogik faoliyatning
alohida bosqichi. Innovatsion faoliyatga tayyorlashda pedagoglarning psixologik
tayyorgarligini oshirish, ularning shaxsiy imkoniyatlarini namoyish etishga
yo’naltirish muhim ahamiyatga ega bo’lib, bu tadbirlar malaka oshirish jarayonida
amalga oshirilishi lozim.
Do'stlaringiz bilan baham: |
