Texnologiya ta`limi praktikumi (chilangarlik) fanidan

Stul tiskilarida zarb bilan bajariladigan ishlar bajariladi. Bu xildagi tiskilar po’latdan tayyorlangan bo’lib, uning jag’lariga asbobsozlik po’latidan tayyorlangan kertmakli qistirmalar payvandlab qo’yiladi.
Stul tiskilari dastgohning yon tomoniga o’rnatiladi. U uzun (poddan tiski jag’’i balandligicha) zagotovkalarni ishlash imkonini beradi. Biroq tiski jag’’larining bir tekislikda siljimasligi va birbiriga parallel joylashmasligi sababli ularga zagotovkalarni puxta o’rnatish qiyin bo’ladi.


Dastaki tiskilar kichik o’lchamli, bolg’alanadigan, egovlanadigan, parmalanadigan detal va zagotovkalarni tutib turish uchun ishlatiladi. Tiskilarning o’lchami jag’’larining eni bilan belgilanadi.
Tiskilarga qarov berish.
1.Tiskilarning dastgohlarga puxta o’rnatilganligini doimo tekshirib turish kerak.
2. Tiskilarga detal yoki zagotovkalar o’rnatishda dastaga qo’shimcha truba kiydirib uzaytirilgan dasta bilan yoki dastani bolg’alab qotirishga yo’l qo’ymaslik kerak. Aks holda dasta egilishi, gayka va vintlarning rezbasi yeyilishi yoki uzilib ketishi mumkin.
3. Har safar ishdan so’ng tiskini qirindidan tozalab, latta yoki maxsus cho’tka bilan artib tozalash kerak.
4. Ishdan so’ng tiskining jag’’larini bir-biriga qattiq siqib qo’ymaslik kerak. Odatda, jag’’lar holi, bir-biridan 2—3 mm ochiq qoldiriladi.
5. Vaqti-vaqti bilan siqish vinti, gayka va tiskining yo’naltiruvchilarini moylab turish kerak.

Mustahkamlash uchun savollar:

1.Chilangarlik tiskilarining vazifasi va turlarini ayting?
2.Qanday tiskilar parallel tiskilar deyiladi va ularning turlarini ayting?
3.Sutul tisklari qanday tisklar?
4.Dastaki tiskilar haqida ma’lumot bering?
5.Tiskilarga qarov berish deganda nimani tushunasiz?


Mavzu: ChILANGARLIK NAZORAT-O’LChOV VA REJALASh ASBOBLARI
Ishdan maqsad: Talabalarga chilangarlik nazorat o’lchov-asboblarining turlari, tuzilishi va ishlatilishini o’rgatish. Mashq qilish