Texnologiya fanini o‘qitishda innovatsion pedagogik texnologiyalar

AMALIY MASHG’ULOT № 16

Mavzu: Texnologiya fani darslarini rejalashtirish va loyihalashtirish.
Mashg’ulot maqsadi: Texnologiya darslarini pedagogik loyihalash, texnologiyalashtirishni o’rganish.
Foydalanuvchi vositalar: texnik vositalar, ko’rgazmali vositalar, yordamchi vositalar.

Asosiy nazariy qism

“Texnologiya ta’limini” rejalashtirish o‘quv jarayonini aniq tashkil etishdan iborat bo‘lib, u didaktika tamoyillariga va o‘quvchilarning mehnat tayyorgarligi dasturi talablariga to‘la-to‘kis javob bera oladigan bolishi kerak. texnologiya ta’limi boshqa umumiy ta’lim fanlaridan farq qilib, ta’limni tashkil etishda o‘ziga xos xususiyatga egadir. Shuning uchun u rejalashtirishga yanada ham ko‘proq e’tibor berishni talab qiladiki, busiz ta’lim-tarbiya ishida yaxshi natijalarga erishib bo‘lmaydi.
Texnologiya ta’limini rejalashtirishning yana bir jihati har bir o‘quvchining ta‘lim rejasi va dasturini bajarishni: texnologiya bo‘yicha o‘quv materialining mazmuniga to‘liq javob beradigan ta’lim ishlab chiqarish ob’yektlarini to‘g‘ri tanlashni, texnologiya ta‘limi bilan boshqa umumiy ta’lim fanlari o‘rtasidagi, birinchi navbatda fizika, ximiya, matematika, chizmachilik, biologiya va boshqa fanlar o‘rtasidagi aloqani: o‘quv-moddiy bazasidan (ustaxonalar, o‘quv xonalar, o‘quv-tajriba maydonchalari, o‘quv tsexlari, uchastkalari, qurilish maydonchalari, asbob-uskunalar, materiallar) unumli foydalanishni: mehnat va kasb ta’limining bazasini rejali ravishda material-texnika
(asbob-uskunalar, materiallar, ko’rsatma va o‘quv qo‘llanmalari, texnologik xujjatlari) bilan ta’minlash uchun shart-sharoitlarni, o‘quvchilarning rejalashtirilgan mehnat ob’yektlarini belgilangan muddatlarda bajarishlari va o‘z vaqtida buyurtmachilarga topshirishlarini: o‘rinlar etishmaganda hamda zarur asbob-uskunalar kam bo‘lib qolganda, o‘quvchilarni ish joylariga oraliq grafik asosida qo‘yib chiqishni: ilmiy-texnikaviy bilimlarning, mehnat ko‘nikmalari va malakalarning yuqori darajada bo‘lishini: texnologiya ta‘limiga oid mashg‘ulotlarni, mehnatni ilmiy asosda tashkil etish talablariga muvofiq ravishda unumli yo‘lga qo‘yishni ta’minlashi kerak.