Texnologiya fanini o‘qitishda innovatsion pedagogik texnologiyalar

1-Shakl. Muammli ta’lim turlari

Muammoli vaziyatni o‘quv mashg‘ulotlarining barchasida shakl-lantirish mumkin. Uni dars jarayonida qancha ko‘p shallantirish o‘qituvchining ijodiy yondashuviga bog‘liq. Muammoli vaziyatning ahamiyati shundaki, u o‘quvchilar diqqatini bir joyga (muammoga) qaratadi va o‘quvchilarni izlanishga, fikrlashga o‘rgatadi. Muammoli vaziyatni yaratganda o‘qituvchi o‘quvchilar o‘z diqqatlarini nimalarga qaratishi kerakligini aytishi maqsadga muvofiqdir.
Muammoni yechish jarayonida o‘qituvchi o‘quvchilarga eng zarur fikrni aytmaydi, ammo shu fikrni shakllantiruvchi dalillarni, faktlarni keltirib o‘tishi, formulalarni yozishi, muammo yechimiga oid chizma-larni chizishi kerak bo‘ladi.
Xulosa sifatida shuni aytish lozimki, muammoli vaziyat hosil qilish o‘qituvchidan alohida mahorat talab qiladi va uni hech qanday tayyorgarliksiz amalga oshirib bo‘lmaydi. Muammoli vaziyatni vujudga keltirish, bu muammoni hal qilish uchun o‘quvchilarning faol ishtirokini ta’minlash, mustaqil fikr yuritishga jalb qilish o‘qituvchidan ijodkorlikni talab etadi. Muammoli vaziyatni hal qilish jarayonida o‘quvchilar manbalardan unumli foydalanish orqali mustaqil fikrlash va mustaqil tafakkur yuritishga o‘rganadi. Muammoli vaziyatni tashkil qila olish esa o‘qituvchi innovatsion faoliyatining natijasi sifatida amalga oshiriladi.
Innovatsion ijodiy-mahorat bazasiga ega bo‘lgan o‘qituvchi mehnat ta’limi darslarini tashkil etishda muammoli vaziyatni vujudga keltirishi mumkin. Biroq, vujudga kelgan muammo yechimini topish ma’lum bilim, ko‘nikma va malaklarni, topqirlikni, ustalikni, mohirlikni talab qiladi. Demak, mazkur jarayon vujudga kelgan muammoni yechimini topishni texnologiyalashtirish va loyihalashtirishni talab qiladi. Bu esa, o‘z navbatida muammoli vaziyat hosil qilish texnologiyasini ishlab chiqishni talab qiladi. Muammoli ta’lim texnologiyalari o‘quvchi faoliyatini faollashtirish va jadallashtirishga asoslangandir.