Texnologiya fanini o‘qitishda innovatsion pedagogik texnologiyalar

AMALIY MASHG’ULOT № 3

Mavzu: Pedagogik texnologiyaning nazariy g’oyalari

Mashg’ulot maqsadi: talabalarga pedagogik texnologiyani mos tanlash,
dars jarayoniga to’g’ri qo’llashni o’rgatish.
Foydalanuvchi vositalar: texnik vositalar, ko’rgazmali didaktik vositalar, yordamchi vositalar.

Nazariy qism

A.S.Makarenko o‘tgan asrning 30-yillarida bunday degan edi: “Bizning pedagogik ishlab chiqarishimiz hech qachon texnologik mantiq asosida qurilmagan, balki u ahloqiy vazxonlikka asoslangan. Aynan shuning uchun ham: texnologik jarayon, mehnat operasiyalarini hisobga olish, yordamchi uskunalar, me’yorlash, qo‘yimlar, yaroqsiz mahsulotlar bo‘limi kabi, ishlab chiqarishga xos bo‘lgan muhim bo‘g‘inlar unda o‘zidan-o‘zi ishtiroksiz qolmoqda”.
Hozirga kunda jahon pedagogikasida “pedagogik texnologiya” tushunchasiga 12 xil tarif berilganligi ma’lum.
Masalan: “Ta’lim texnologiyasi ilmiy va boshqa bilimlarning amaliy masalalarni hal etishda tizimli ravishda qo‘llashdan iborat”. (Golbrayt).
“Pedagogik texnologiya ta’limini tizimlashtirish yoki sinfda o‘qitishni tizimlashtirish g‘oyalarini pedagogikaga tadbiq etishdan iborat”. (T.Sakomoto).
“Pedagogik maqsadlarga erishishda foydalaniladigan barcha shaxs, amaliy va uslubiy vositalarning tizimlashgan majmui va ularni faoliyat ko‘rsatish tartibi”. (Klarin M.V.).
Yuqoridagi ta’riflarda pedagogik texnologiyaning tub mohiyati o‘quv jarayoniga tizimiy yondashishdan iborat ekanligi yaqqol ko‘zga tashlanadi.