Texnologik ta'lim yo'nalishi fanidan

Buyumlarni ta`mirlash bo`limi:Turli chokidan so`kilgan buyumlarni ta`mirlash. Kiyimlarni saqlash va tuzatish usullari. Iste`moldan chiqqan buyum o`lchamiga qarab, bolalar kiyimining andozasini tayyorlash va tikish. 
Respublikamizda «Kadrlar tayyorlash milliy Dasturi»ni amalga oshirish, qurilish va yog‘ochsozlik sohalari uchun malakali kadrlar tayyorlash, duradgorlik mutaxassisligi bo‘yicha ishlab chiqarish ustaxonalarini Hamdo‘stlik hamda xorijiy mamlakatlarda ishlab chiqarilgan yangi texnologiyalarga asoslangan asbob-uskuna va dastgohlar bilan jihozlash kasb-hunar ta‘limiga bo‘lgan e‘tiborni yanada oshirishni taqozo etadi.

Jihozlardan foydalanish samaradorligi korxonaning texnika bilan ta‘minlanish darajasigagina emas, balki shu texnikani ishlatuvchi mutaxassislar malakasiga: ularning dastgohlarni bilishlari, ishga tayyorlash, ishlatish, materiallarni tejash usullarini, asbob-uskuna ishlayotganda yuz berishi mumkin bo‘lgan salbiy holatlarni nazarda tutishlari hamda o‘z vaqtida bunday holatlarning oldini olish uquvlariga ham bog‘liq.

Dastgohlarni rostlash va sozlash vaqtida ularning qismlari bir-biriga nisbatan to‘g‘ri joylashganligini tekshirish uchun turli nazorat-o‘lchash asbob va anjomlaridan foydalaniladi. Dastgohlar ishlab turganda elektr dvigatellarning ish bilan qanchalik bandligini, kesish asboblarining surilish tezligini, ishlangan zagotovkalarning o‘lchamlari va shakllarini tekshirish maqsadida ham asbob-uskunalardan foydalaniladi.
Umumta’lim maktabi mehnat ta’limi Davlat ta’lim standartiga binoan o’quvchilar mehnat jarayoni haqida dunyoqarashga, xalq xo’jaligi, ishlab chiqarish va xizmat ko’rsatish sohalari to’g’risida bilimlarga, buyumning texnologik xaritasini tayyorlash kabi bilim, ko’nikma va
malakalarga ega bo’lishlari belgilab qo’yilgan.

O’quvchilarga mexanizatsiyalashtirilgan va elektrlashtirilgan vositalar bilan ishlashni, texnologik bilim va malakalarni, yangi ishlab chiqarish va yangi texnika, jihozlarning qo’llanish sohalarini zamonaviy talablar darajasida hamda jahon tajribalariga mos holda o’rganishlarini ta’minlash mehnat ta’limining vazifasidir.
O’quvchilar mehnat ta’limining metallga ishlov berish texnologiyasi bo’limida
dastgohlar, elektr va mexanizatsiyalashtirilgan jihozlar, mashina elementlari, yangi texnika va ilg’or texnologiya asoslari bo’yicha bilimlarga ega bo’ladilar.
7-sinfda o’quvchilar tokarlik, frezalash, parmalash va charhlash dastgohlarining vazifasi, tuzilishi va ular bilan ishlash qoidalarini, tokarlik dastgohida detalga ishlov berish texnologiyasi bo’yicha bilimlarga ega bo’lishlari kerak.
Mehnat ta’limi mashg’ulotlarining ta’limiy-tarbiyaviy va rivojlantiruvchi vazifalariga ko’ra o’quvchilar buyum, narsa namunalari asosida zaruriy buyurtmalarni amalda bajara olishlari kerak.
Pedagogik faoliyatga jiddiy tayyorgarlik ko’rish, umumta’lim maktablarida o’qitiladigan mehnat ta’limi fanidan o’tiladigan dars mashg’ulotlariga ilg’or pedagogik va axborot texnologiyalarini keng tadbiq etish, ularni o’quv-uslubiy materiallar bilan ta’minlashga imkon darajasida xissa qo’shish va shu asosda dars ishlanmasi, ko’rsatma-tarqatma materiallar tayyorlash bugungi kunda zarur.