Texnologik qism 1 Neft va gaz uzatuvchi quvurlarni hisoblash usullari 2

Konlarda sarf o’lchagichlarning turlari
Hozirgi kunda zamonaviy sarf o’lchagichlar bir vaqtning o’zida
oqimning bir nechta ko’rsatkichini o’lchash bilan ajralib turadi.
Bunda o'lchash usuli, aniqlaydigan kattaliklari turi va soni,
ishlaydigan muhiti, xatolik chegarasi bo'yicha farqlanadi. Quyida bir
nechta zamonaviy sarf o’lchagichlarga misol keltirilgan bo’lib,
Endress+Hauser kompaniyalar guruhi tomonidan taklif etilayotgan
sarf o'lchagichlar aynan yuqoridagi fikrimizning yaqqol misoli
bo’ladi.
Suyuqlik, gaz va bug'lar sarfini maksimal 420 bar bosim va
1000 °C gacha haroratgacha universal o’lchashga mo’ljallangan.
Birlamchi element (diafragma yoki Pito naychasi) quvuruzatkichda
bosimlar farqini hosil qiladi va massaviy yoki hajmiy sarfni
to’g’ridan-to’g’ri ko’rsatadi.
Afzalligi:
• standartlashtirilgan va butun dunyoda tan olingan o'lchash
usuli;
• universal, suyuqlik, gaz va bug’lar uchun qo'llash mumkin;
• transmitterni jarayonni to’xtatmasdan almashtirish mumkin;
• birlamchi element ishonchli bo'lib, harakatlanuvchi
qismlarisiz, to'liq metaldan iborat;
• keng diapazondagi diametrlar (DN10...4000) uchun
mo'ljallangan;
• Pito naychasini modifikatsiya qilish oson.
- bosimlar farqiaa ko’ra ishlovchi sa rfo ’lchaaich
- termal-massaviv sa rfo ’lchaaich
Past ishchi bosimda ham massaviy sarfni to’g'ridan-to’g’ri
o’lchashga mo'ljallangan. Qizdiriladigan harorat datchigi
kontaktlashadigan muhit o'ziga bu datchikning ma’lum issiqlik
energiyasini oladi. Datchikni qizdirish zanjiridagi tok o’lchanuvchi
kattalik bo'lib, gazning massaviy sarfini aniqlaydi.
Afzalligi:
• gaz va suyuqlik massaviy sarfini to'g’ridan-to’g’ri o’lchash,
hattoki, juda kichik sarf va past gaz bosimida ham o'lchay olishi;
• o’lchashning yuqori sezuvchanligi;
• harakatlanuvchi qismlari yo'qligi;
• bosim yo’qotilishining sezilarsizligi;
• xizmat ko’rsatishda xarajatlarning kichikligi.
- ultratovushli sarf o'lchagich
Sarfni ultratovushli o’lchash tovush tarqalishi vaqtining turliligi
bilan o'lchashga asoslangan. Quvurga o’rnatilgan 2 ta sensor orqali
ultratovushli impulslar bir vaqtning o’zida yuboriladi va qabul
qilinadi. Sarf 0 ga tengligida ikki sensor ham ultratovush
to'lqinlarini bir vaqtda qabul qiladi, ya’ni tarqalish vaqti
o’zgarmaydi. Quvurda muhit harakati bo’lganda sensorlarda
ultratovush to’lqinlari turli vaqtlarda yetib boradi. Bu farq oqim
tezligiga va sarfga to’g’ri proporsionaldir.