Texnologik jihozlar va ularning ekspluatatsiyasi

Garaj jihozlarining uzel va bo’laklarini loyihalash bo’yicha ko’rsatmalar:
1) loyihalanuvchi jihoz uzel va bo’laklarini unifikastiyalash.
Texnologik jihozlarni butlashda, ularning bo’lak va qismlarini iloji boricha unifikastiyalashga erishish kerak. Unifikastiya bo’laklar xilini kamaytirish, yasalish xarajatlarini qisqartirish, jihozni ishlatish va ta’mirlashni osonlashtiradi.
Original bo’laklarni va uzellarni unifikastiyalash ichki (loyihalanuvchi jihoz chegarasida) va tashqi (boshqa garaj yoki boshqa turdagi jihozlardan olingan) bo’lishi mumkin.
Ichki unifikastiyani odatda ilashish joylaridan, shlistali, rezbali, shponkali birikmalardan boshlanadi.

6.6-rasm. Agregatlarni tashish aravachasi: 1-rama; 2-o’q; 3-dastak; 4-taglik

Tashqi unifikastiya katta iqtisodiy samara berib, bo’lak va uzellarni tayyor xolda qo’llash imkoniyatini beradi.

Garaj jihozlarini loyihalashda ko’p hollarda avtomobillarning agregat va uzellaridan foydalaniladi. Bular kardan uzatmasi, yarim o’qlar, moy nasoslari, reduktor sifatida orqa ko’prik yoki uzatmalar qutisi. Kuch mexanizmlari uchun tormozlash kameralari, ko’tarish mexanizmi stilindrlari va boshqalar.
2) loyihalashda agregatlash
Agregatlash, bu - loyihalanuvchi jihoz ramasiga avtonom uzel hisoblanuvchi unifikastiyalashgan agregatlarni turli ko’rinishda o’rnatishdan iborat. Agregatlash jihozni loyihalashni tezlashtiradi, yig’ish va jamlashni osonlashtiradi.





6.7-rasm. Ressoralarni echish-o’rnatish uchun aravacha: 1-rama; 2-ustun; 3-gidrostilindr; 4-nasos; 5-richag; 6-o’q; 7-yo’naltirgich; 8-tutqich



6.8 -rasm. Akkumulyator batareyalarini tashish aravachasi: 1-rama; 2-ustun; 3-gidrostilindr; 4-nasos; 5-richag; 6-o’q; 7-yo’naltirgich; 8-yuk maydonchasi; 9-dastak
Misol uchun yuqorida keltirilgan rasmlarda agregatlarni tashish aravachasi asosini saqlab qolgan holda, uning ramasiga turli moslamalarni o’rnatish natijasida ixtisoslashgan jihoz yaratilishi ko’rsatilgan.