Texnologik jihozlar va ularning ekspluatatsiyasi

Loyihaning ayrim bosqichlarini bajarish bo’yicha tavsiyalar
a) mavjud jihozlarning tuzilishini o’rganish va taqqoslash:
Mavjud jihozlarning tuzilishini (texnik echimlarini) o’rganishda, ularning kamchiliklari tahlil qilinib, yangi yoki takomillashtirilgan konstrukstiya yaratilishi zarurligi aniqlanishi zarur. Loyihalanishi zarur bo’lgan jihoz konstrukstiyasini tanlash va asoslash shu jihozga o’xshash zamonaviy texnikaning ilmiy yutuqlariga asoslanishi zarur. Bundan tashqari, loyihalanuvchi jihoz konstrukstiyasini tanlashda ishlab chiqarishning qobiliyatlari (avtotransport korxonasi sharoitida, konstruktorlik byurosining eksperemental bo’limida, avtota’mirlash zavodida va boshqa) hisobga olinishi zarur.
O’rganish va taqqoslashlar natijasi bo’yicha loyihalanuvchi jihozga texnik talablar oydinlashtiriladi.
Texnik talablarni me’yoriga etkazishda loyihalanuvchi jihozning maqsadi va qo’llanilish sohasini aniq belgilab olish kerak. Dastlabki qisqacha xarakteristika berish, konstrukstiyaning ishonchliligini va texnologik mosligini asoslash lozim.
O’ta zamonaviy jihozlarni yaratish ko’p jihatdan informastion va patent-listenziyalangan izlanish sifatiga bog’liq.
Patent-axborot o’ta ahamiyatli hisoblanadi, chunki ular texnik adabiyotlarda yangilik nuqtai nazaridan 5-10 yil oldinda yuradi. Ular jihoz konstrukstiyasida eng yangi, progressiv texnik echimlarni qo’llash imkonini beradi.
Axborot-izlanish natijalari jihoz konstrukstiyasida ilgarigi malakalardan foydalanish, loyihalanuvchi jihoz konstrukstiyasida bundan avval yaratilganlarining yaxshi tomonlaridan foydalanish imkonini beradi.
Ilmiy-texnik axborotning manbasi bo’lib texnikaviy adabiyotlar, darsliklar, zamonaviy ilmiy-texnik va ishlab chiqarish tajribalarini targ’ibot qiluvchi to’plamlar, referat bosmalari, soha bo’yicha ekspress informastiyalar, byulletenlar (yaratmalar tavfsilotlari, texnik-iqtisodiy informastiya va boshqalar), bibliografik bosmalar, kartoteka, plakatlar, hisobotlar, ma’ruzalar tezislari, internet manbalari va boshqalar xizmat qiladi.
b) Konstrukstiya sxemalarini ishlab chiqish:
Sxema, bu shartli ko’rinish (tasvir) yoki belgilar yordamida mashina (jihoz)ning tuzilmaviy qismlari va ularning bog’lanishini ko’rsatuvchi hujjat.
Sxema ko’rinishlari mahsulot tarkibiga qanday qism va bog’lanishlar kirishiga qarab quyidagi ko’rinishlarga bo’linadi:
- elektrik, “E” belgisi bilan belgilanadi;
- gidravlik, “G” belgisi bilan belgilanadi;
- pnevmatik, “P” belgisi bilan belgilanadi;
- kinematik, “K” belgisi bilan belgilanadi;
- kombinastiyalashgan (turli qismlar va bog’lanishlardan tashkil topadi), “S” belgisi bilan belgilanadi;