Texnologik jihozlar va ularning ekspluatatsiyasi

7. Moylash va to’ldirish ishlari uchun jihozlar
Moylash ishlari uchun qo’llaniladigan jihozlar. Moylash ishlari qo’lda yoki mexanizatstiyalangan jihozlar bilan bajarilishi mumkin. Moylash ishlari qo’lda bajarilsa, ishchi o’rni quyidagi tartibda jihozlangan bo’ladi:

• 
  Ko’targich yoki ko’rish chuquri;
  
• 
  Moy saqlash idishlari;
  
• 
  Filtrlarni echish-o’rnatish mahsus kaliti.
  
• 
  Chiqindi moy uchun idish.
  
• 
  Chiqindi materiallar uchun idish.
  

Moy yoki suyuqlikni tarqatish so’rish moslamasi yordamida amalga oshirilib, elektr dvigatel yoki siqilgan havo yordamida ishlaydi. Ba’zi bir jihozlar qo’l bilan boshqarilishi ham mumkin. Ixtisoslashtirilgan moylash postlarida maxsus moslamalardan foydalaniladi (4.34-rasm). Moslama o’zi o’raluvchi 3 ta barabanli shlangalardan va motor hamda transmissiya moylarini tarqatish kallaklaridan iborat.
Avtomobillarning yurish qismini moylash uchun qo’zg’aluvchan quyuq moy moy tarqatuvchi (4.35a-rasm) qurilmalardan foydalaniladi.
Transmissiya agregatlaridan va dvigatel karteridan moyni to’kib olishda mahsus ishlatilgan moylarni to’kib oluvchi moslamalar (4.35b-rasm) ishlatiladi.
Moylash ishlari mexanizastiyalashtirilgan usulda bajarilsa, ishchi o’rni quyidagi uskunalar bilan jihozlanadi:

• 
  Ko’targich yoki ko’rish chuquri;
  
• 
  Moy bilan ta’minlash kolonkasi;
  
• 
  Moyni to’kish voronkasi;
  
• 
  Moyni yig’ish idishi;
  
• 
  Moy saqlash va etkazib berish mexanizmi.
  

4.36-rasmda keltirilgan moy quyish uskunalarini tarqatuvchi shlangalarga moy va surkov moylari aravacha ustiga o’rnatilgan bochka yoki sig’imlarning pnevmatik nasoslari yordamida etkazib beriladi. Pistolet yordamida agregat sig’imlariga kerakli hajmda moy quyiladi. Bo’shagan bochkalar yangisiga almashtiriladi.

	a)	b)
4.34-rasm. Qo’zg’almas suyuq moy tarqatish qurilmasi	4.35-rasm. Qo’zg’aluvchan quyuq moy moy tarqatuvchi (a) hamda ishlatilgan moylarni to’kish uchun moslamalar (b).
4.36-rasm. Moy quyish uskunalari

Ba’zi hollarda qo’l bilan harakatlantiriluvchi (4.37-rasm) moylash jihozlaridan ham foydalaniladi.

4.37-rasm. 3102- MECLUBE rusumli qo’l shpristi va sxematik ko’rinishi