O‘zbekiston Respublikasi Adliya vazirligi huzuridagi Davlat xizmatlari agentligi faoliyatini tashkil etish to‘g‘risida O‘zbekiston Respublikasi Prezidentining 2017-yil 12-dekabrdagi “Aholiga davlat xizmatlari ko‘rsatishning milliy tizimini tubdan isloh qilish chora-tadbirlari to‘g‘risida”gi PF-5278-son Farmonini ijro etish yuzasidan, shuningdek, O‘zbekiston Respublikasi Adliya vazirligi huzuridagi Davlat xizmatlari agentligi va uning hududiy bo‘linmalari faoliyatini samarali tashkil etish maqsadida:
1. Quyidagilar:
O‘zbekiston Respublikasi Adliya vazirligi huzuridagi Davlat xizmatlari agentligi (keyingi o‘rinlarda Agentlik deb yuritiladi) markaziy apparatining tuzilmasi 1-ilovaga muvofiq;
Agentlik hududiy boshqarmalarining namunaviy tuzilmasi va boshqaruv xodimlarining cheklangan shtatlar soni 2 va 2a-ilovalarga muvofiq;
Tuman (shahar) davlat xizmatlari markazlarining (keyingi o‘rinlarda Markazlar deb yuritiladi) namunaviy tuzilmasi 3-ilovaga muvofiq tasdiqlansin.
Oldingi tahrirga qarang. 2. Boshqaruv xodimlarining cheklangan soni kuyidagi miqdorlarda belgilansin:
Agentlikning markaziy apparati 58 birlik;
Agentlikning hududiy boshqarmalari 216 birlik.
O‘zbekiston Respublikasi adliya vaziriga, zarur hollarda, O‘zbekiston Respublikasi Prezidenti Administratsiyasi bilan kelishgan holda:
Agentlik markaziy apparati va uning hududiy bo‘linmalari tuzilmasiga o‘zgartirishlar kiritish;
Oldingi tahrirga qarang. Agentlik, adliya organlari va muassasalarining budjetdan tashqari mablag‘lari hisobidan Agentlik, uning hududiy boshqarmalari, Markazlar, FHDY organlari va filiallar uchun qo‘shimcha shtat birliklarini kiritish;
(2-bandning oltinchi xatboshisi O‘zbekiston Respublikasi Prezidentining 2021-yil 17-martdagi PF-6188-sonli Farmoni tahririda — Qonun hujjatlari ma’lumotlari milliy bazasi, 17.03.2021-y., 06/21/6188/0216-son) mehnat bozorining amaldagi konyunkturasini hisobga olgan holda, tor doiradagi mutaxassislarni shartnoma asosida Agentlikda ishga jalb etish huquqi berilsin.
Agentlik direktori maqomi va mehnatga haq to‘lash shart-sharoitlariga ko‘ra O‘zbekiston Respublikasi adliya vaziri o‘rinbosariga, Agentlik va uning hududiy boshqarmalari xodimlari tegishlicha O‘zbekiston Respublikasi Adliya vazirligi va uning hududiy boshqarmalari xodimlariga tenglashtirilsin.
(2-band O‘zbekiston Respublikasi Prezidentining 2020-yil 31-yanvardagi PF-5930-sonli Farmoni tahririda — Qonun hujjatlari ma’lumotlari milliy bazasi, 01.02.2020-y., 06/20/5930/0105-son) 3. Agentlikka kuyidagi huquqlar berilsin:
davlat xizmatlari ko‘rsatuvchi davlat organlari va boshqa tashkilotlar faoliyatini qonun hujjatlari va ma’muriy reglamentlar talablariga rioya etilishi nuqtai nazaridan tekshirish;
davlat xizmatlari ko‘rsatuvchi davlat organlari va boshqa tashkilotlar rahbarlariga aniqlangan qonunbuzilishlar, ularga imkon beruvchi sabablar va shart-sharoitlarni bartaraf etish haqida ko‘rib chiqilishi majburiy bo‘lgan taqdimnomalar kiritish;
davlat xizmatlari ko‘rsatish sohasidagi qonun hujjatlari buzilishiga yo‘l qo‘ymaslik haqida mansabdor shaxslarni yozma ravishda ogohlantirish;
davlat xizmatlari ko‘rsatish sohasidagi qonun hujjatlarini buzganlik uchun davlat organlari va boshqa tashkilotlar mansabdor shaxslariga nisbatan ma’muriy jazo ko‘llash;
Markazlar orqali ularning binolari va tutash hududlarida reklama faoliyatini, shuningdek, yuridik shaxs maqomiga ega bo‘lmagan holda tadbirkorlik subyektlarining muhr va shtamplarini tayyorlash faoliyatini amalga oshirish.
4. Quyidagilar Agentlik faoliyatini moliyalashtirish manbalari etib belgilansin:
O‘zbekiston Respublikasi Davlat budjeti mablag‘lari;
Oldingi tahrirga qarang. Oldingi tahrirga qarang. tadbirkorlik subyektlarini davlat ro‘yxatidan o‘tkazish uchun davlat boji summasining 80 foizi miqdoridagi mablag‘lar hamda Markazlar va ularning filiallari orqali ko‘rsatiladigan davlat xizmatlari uchun to‘lanadigan davlat bojlari, yig‘imlar va barcha turdagi to‘lovlar summasining 20 foizi miqdoridagi mablag‘lar;
(4-bandning uchinchi xatboshisi O‘zbekiston Respublikasi Prezidentining 2021-yil 17-iyuldagi PF-6263-sonli Farmoni tahririda — Qonunchilik ma’lumotlari milliy bazasi, 17.07.2021-y., 06/21/6263/0685-son) ariza beruvchilarning O‘zbekiston Respublikasi Yagona interaktiv davlat xizmatlari portali orqali mustaqil ravishda yo‘naltirilgan murojaatlariga asosan ko‘rsatiladigan davlat xizmatlari uchun to‘lanadigan davlat bojlari, yig‘imlar va barcha turdagi to‘lovlar summasining 10 foizi miqdoridagi mablag‘lar;
(4-bandning uchinchi xatboshisi O‘zbekiston Respublikasi Prezidentining 2020-yil 31-yanvardagi PF-5930-sonli Farmoniga asosan uchinchi va to‘rtinchi xatboshilar bilan almashtirilgan — Qonun hujjatlari ma’lumotlari milliy bazasi, 01.02.2020-y., 06/20/5930/0105-son) adliya organlari va muassasalarining budjetdan tashqari mablag‘lari;
qonun hujjatlariga muvofiq pulli xizmat ko‘rsatishdan tushadigan mablag‘lar;
mansabdor shaxslar davlat xizmatlari ko‘rsatish tartibini buzganligi uchun qo‘llaniladigan ma’muriy jarima summalari;
qonun hujjatlari bilan taqiqlanmagan boshqa manbalar.
Oldingi tahrirga qarang. 5. Agentlik Toshkent shahri, Amir Temur shoh ko‘chasi, 17-uy manzili bo‘yicha operativ boshqaruv huquqi asosida joylashtirilsin.
(5-bandning birinchi xatboshisi O‘zbekiston Respublikasi Prezidentining 2018-yil 11-iyuldagi PF-5475-sonli Farmoni tahririda — Qonun hujjatlari ma’lumotlari milliy bazasi, 11.07.2018-y., 06/18/5475/1489-son) Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari ikki oy muddatda Agentlikning hududiy boshqarmalari joylashtirilishini ta’minlasin.
6. O‘zbekiston Respublikasi Vazirlar Mahkamasi:
ikki hafta muddatda Agentlik to‘g‘risidagi nizomni, shuningdek, 2018 — 2020-yillarda bosqichma-bosqich joriy etiladigan, “yagona darcha” tamoyili bo‘yicha faqat Davlat xizmatlari markazlari orqali ko‘rsatiladigan davlat xizmatlari ro‘yxatini amalga oshirish yuzasidan chora-tadbirlar rejasini tasdiqlasin;
bir oy muddatda davlat xizmatlari ko‘rsatish haqidagi qonun hujjatlarini buzganlik uchun ma’muriy javobgarlik belgilash to‘g‘risidagi qonun loyihasini O‘zbekiston Respublikasi Oliy Majlisi Qonunchilik palatasiga kiritsin.
7. O‘zbekiston Respublikasi Adliya vazirligi manfaatdor vazirlik va idoralar bilan birgalikda ikki oy muddatda qonun hujjatlariga mazkur qarordan kelib chiqadigan o‘zgartish va qo‘shimchalar to‘g‘risida Vazirlar Mahkamasiga takliflar kiritsin.
8. Mazkur qarorning ijrosini nazorat qilish O‘zbekiston Respublikasining Bosh vaziri A.N. Aripov, O‘zbekiston Respublikasi Prezidentining Davlat maslahatchisi T.A. Xudaybergenov va O‘zbekiston Respublikasining Bosh prokurori I.B. Abdullayev zimmasiga yuklansin.
