Texnik holatni umumiy baholash va texnik holati kategoriyasini belgilash

Tekshirish avariyadan so‘ng o‘tkazilayotgan bo‘lsa, uning sabablari tahlil qilinadi. inshootni qayta tiklash mumkinligi va maqsadga muvofiqligi belgilanadi.

Inshootlarning maxsus ko‘riklari reja asosida ushbu muddatlarda bajarilishi lozim: metall ko‘priklar har 5 yilda bir marta; • temirbeton. beton va tosh ko‘priklar va quvurlar - har 10 yilda bir marta; • kapital ta’mirlashdan so‘ng; • me’yordan og‘ir yuklarni o‘tkazishni tashkil qilish davrida va ushbu yuklar o‘tkazilgandan so‘ng.

Joriy yoki davriy ko‘riklar vaktida inshootning ko‘tarish kobiliyatini kamaytiruvchi nosozliklar aniklansa, bunday ko‘prik yoki quvur birinchi navbatda tekshirilishi lozim.

Qurilishi tugatilgan barcha ko‘prik va quvurlar foydalanishga kabul qilinish chog‘ida maxsus ko‘rikdan o‘tkazilishi, tajribaviy va ilk bor qo‘llanilayotgan konstruksiyali ko‘priklar esa, bundan tashqari sinovdan ham o‘tkazilishi lozim.

Qoplama holatini baholash antikorrozion ishlarni olib borish uchun texnik yechimlarni tanlash asosi bo‘lib xizmat qiladi. Himoyalash xususiyati qoplamaning tashqi ko‘rinishi bo‘yicha baholanadi. Qoplamaning metallni korrozion yemirilishdan saqlash imkoniyatini yo‘qotishi ballarda jadval 1 bo‘yicha aniqlanadi.

Jadval 1. Qoplamaning himoya xususiyatlarini baholash

Ballar	Qoplamaning yemirilishi yuzasi, %		Qoplamadagi yemirilishlar o‘lchamlari bo‘yicha
	ko‘chishi	metall korroziyasi	ko‘chish chuqurligi	korroziyalangan joylar diamet-ri, mm
1	Yemirilishlar mavjud emas
2	5 gacha	1 gacha	Tashqi qatlam yemirilishi 10 baravar kat-taytirilganda ko‘rinadi	0,5 gacha
3	5-25	1-5	Tashqi qatlam yemirilishi ko‘rinadi	0,5-1,0
4	25-50	5-15	Gruntlash qatlamigacha yemirilish	1,0-3,0
5	50 dan ortiq	15 dan ortiq	Bo‘yalish yuzasigacha yemirilish	3,0 dan ortiq