Тесты для самоконтроля. Книга будет полезной также для магистров и практикующих детских хирургов

 
11.1. Qizilo‘ngach atreziyasi 
 
Qizilo‘ngach  atreziyasi  bo‘lgan  bemorlarni  diagnostika  qilish  va  davolashda 
doim ko‘pgina yutuqlar kuzatiladi, biroq bu murakkab nuqson bilan ishlab ko‘rgan 
barcha  uchun  haligacha  ko‘pgina  yechilmagan  muammolar  qolmoqda.  Odatda, 
traxeoqizilo‘ngach  teshigi  (TQT)  bilan  birga  keladigan  qizilo‘ngach  atreziyasi 
(QA),
  agar  tashxis  qo‘yilmagan  yoki  bola  qandaydir  sabablarga  ko‘ra  operatsiya 
qilinmagan  bo‘lsa,  albatta  o‘limga  olib  keladi
.  Eng  ko‘p  uchraydigan  variant  – 
qizilo‘ngachning  distal  segmenti  va  traxeya  orasidagi  teshikli  qizilo‘ngach 
atreziyasi  birinchi  marta  Thomas  Gipson  tomonidan  1696-yilda  ta’riflangan. 
Qizilo‘ngach  atreziyasi  va  traxeoqizilo‘ngach  teshiklari  bo‘lgan  bolalarning 
taxminan  yarmi  birga  keladigan,  ko‘pincha  og‘ir  va  davolash  natijalariga  salbiy 
ta’sir  ko‘rsatadigan  anomaliyalarga  ega  bo‘ladi.  Atreziyaning  o‘zidan  ko‘ra 
birlashgan  patologiya  ancha  ko‘p  o‘limga  sabab  bo‘ladi.  Birga  keladigan 
anomaliyalar  muddatidan  oldin  tug‘ilgan  bolalarga  ko‘proq  xos  hisoblanadi. 
Shunday  qilib,  2000  g  tana  og‘irligida,  yangi  tug‘ilganlarda  birlashgan  nuqsonlar 
2500 dan ortiq og‘irlikda tug‘ilgan bolalardan ko‘ra 2,5 barobar ko‘p uchraydi.