Тесты для самоконтроля. Книга будет полезной также для магистров и практикующих детских хирургов

Safro  quyuqlashishi  sindromi.  Rh  va  ABO  bo‘yicha  mos  kelmaslik 
nisbatidan  ikkilamchi  yangi  tug‘ilganlarda  massivli  gemoliz  safroning  yo‘llarda 
turib  qolishi  natijasida  mexanik  obstruksiyaga  olib  kelishi  mumkin.  Bu  hodisalar 
(safro  turib  qolishi  va  obstruksiya)  ba’zan  shuningdek,  total  parenteral  iste’mol 
olgan  va  kistofibrozi  bo‘lgan  bemorlarda  uchraydi.  Quyuqlashish  shunday 
darajagacha  rivojlanishi  mumkinki,  oxir-oqibat  safro  toshlari  hosil  bo‘ladi. 
Jarrohlik  bilan  davolash  ko‘rsatilgan  holatlarda  muolajani  biliar  daraxtni  yuvish 
bilan cheklash yetarli, bu effektli. Kamdan kam holatlarda, agar tosh umumiy safro 
yo‘lida hosil bo‘lsa ularni manual olib tashlash zarur. 
Jigar  tashqi  safro  yo‘llarining  idiopatik  perforatsiyasi  (safro  astsiti). 
Perforatsiyaning lokallashuvi deyarli doim (deyarli variantlarsiz) umumiy safro va 
pufak  yo‘llarining  ulanish  joyida  bo‘ladi.  Bu  aynan  shu  ulanish  rivojlanishning 
qandaydir  buzilishlarida  («xatolarida»)  eng  kam  qarshilikka  ega  joy  hisoblanadi 
degan fikrga olib keladi. Oddiy klinik namoyon bo‘lishlar sariq kasalligi bilan birga 
keladigan  qorin  hajmining  tobora  kattalashishidan  iborat.  Tashxis  erkin  qorin 
bo‘shlig‘ida  izotop  yig‘ilishini  namoyon  qiladigan  gepatobiliar  skanerlash  asosida 
qo‘yiladi. 
Operatsiyada,  odatda,  «sterillangan»  safro  astsiti  va  safro  bilan  to‘lgan 
psevdokistani  topishadi.  Intraoperatsion  xolangiogramma  ba’zan  ikkilanishga  olib 
keladi,  chunki  bunday  hosila  stenoz  yoki  tosh  haqida  guvohlik  qilgan  holda 
umumiy  safro  yo‘lining  distal  bo‘limlarida  bo‘ladi.  Ko‘pgina  holatlarda  hosila 
spontan yo‘qoladigan oddiy safro qoldig‘ini o‘zida namoyon etadi. Zararlanish o‘zi 
tuzaladi  va  perforatsiya  operatsiyadan  keyin  bir  necha  haftada  yopiladi 
(«bekiladi»).  Shuning  uchun  ko‘pgina  holatlarda  perforatsiya  hududini  drenirlash 
bilan cheklangan ma’qul.