Тесты для самоконтроля. Книга будет полезной также для магистров и практикующих детских хирургов

 
14.5-rasm. Umumiy safro yo‘li atreziyasi (UTT). 
 
Ba’zi  tadqiqotchilar  ovqatlantirishdan  so‘ng  safro  pufagi  o‘lchamlarining 
kichrayishi  biliar  atreziya  tashxisini  yo‘qqa  chiqarish  imkonini  beradi,  deb 
hisoblashadi.  Polispleniya  sindromi  tarkibiga  kiruvchi  (polispleniya,  malrotatsiya, 
pastki kavak venaning yo‘qligi yoki ichki a’zolarning teskari joylashuvi) birlashgan 
anomaliyalarning  bo‘lishi  biliar  atreziya  tashxisini  tasdiqlash  uchun  asos  bo‘lishi 
kerak.  Ultratovushli  tadqiqot  yordamida  shuningdek,  qiyinchiliksiz  biliar 
yo‘llarning (umumiy safro yo‘li kisti) kengayishini aniqlash mumkin. 
Davolash.  Biliar  atreziyaga  shubha  bo‘lgan  holatlarda  an’anaviy  jarrohlik 
bilan  davolashlar  ikki  bosqichdan  iborat.  Birinchi  bosqich,  diagnostik,  operativ 
xolangiografiya  va  jigarning  ochiq  biopsiyasidan  tashkil  topgan.  Agar  tashxis 
tasdiqlansa,  unda  operativ  muolajani  ikkinchi  bosqich  –  Kasai  bo‘yicha 
portoenterostomiyaga  o‘tgan  holda  davom  ettirishadi.  Diagnostik  muolajani  o‘ng 
qovurg‘alar  orasida  mikrolaparotomik  kesim  orqali  amalga  oshirishadi.  Bu  yo‘l 
jigar  va  safro  yo‘lini  ko‘rish  va  pufak  orqali  xolangiografiyani  amalga  oshirish 
imkonini beradi (14.6-rasm). 
Shu maqsadda kichik kateterni pufakning tubi orqali unga kiritishadi va kiset 
chok bilan mahkamlashadi. Bunda umumiy safro yo‘li biliar atreziyasi bo‘lgan bor 
yo‘g‘i 25 % bolalarda ko‘rinadi. Qolgan holatlarda butun biliar daraxt atrezirlangan 

---

 
109 
bo‘lib  ko‘rinadi.  Rentgenogramma  proyavka  qilingunicha  to‘qimani  ham  igna 
yordamida, ham kichik qismni ponasimon kesish yo‘li bilan olgan holda jigarning 
ochiq  biopsiyasini  amalga  oshirishadi.  Jigardan  12-uzuk  ichakkacha  bo‘lgan 
qismda  o‘tiladigan  biliar  yo‘llarning  borligi  biliar  atreziyani  yo‘qqa  chiqarish 
imkonini beradi.