Тесты для самоконтроля. Книга будет полезной также для магистров и практикующих детских хирургов

 Klinika va diagnostika.  
 Oddiy  ureterotsele  siydik  trakti  infeksiyasi  yoki  obstruksiya  bilan  namoyon 
bo‘ladi.  Ultratovushli  tadqiqotda  gidronefroz  va  gidroureter  aniqlanadi.  Ekskretor 
urogrammada  siydik  to‘g‘rilovchining  siydik  pufagiga  tushish  hududida 
bulbasimon  hosila  aniqlanishi  mumkin  (rasm…).  Miksion  sistouretrogrammada 
to‘lish  nuqsoni  namoyon  etiladi.  Reflyuks  kamdan  kam  uchraydi.  Yuqori  siydik 
yo‘llari  sohasidagi  o‘zgarishlar  odatda  ureterotsele  joyidagidek  ifodalanmagan. 
Sistoskopiya tashxisni tasdiqlaydi.  
 Ektopik  ureterotseleda  odatda  hayotning  birinchi  bir  necha  oyi  davomida 
siydik trakti infeksiyasi rivojlanadi. Qiz bolalarda ektopik ureterotselening tushishi 
hosil  bo‘lishi  mumkin,  bu  ba’zan  uretra  obstruksiyasiga  olib  keladi.  Oddiy 
ureterotseledan farqli ravishda ektopikni ba’zan aniqlash nafaqat tekshiruvda, balki 
sistoskopiyada  ham  qiyin,  hatto  tekshiruv  tajribali  mutaxassislar  bilan  amalga 
oshirilsa  ham.  Ureterotseleda  odtda  buyrakda  displastik  o‘zgarishlar  kuzatiladi. 
Ureterotsele  tashxisini  tasdiqlash  imkonini  beradigan  eng  to‘g‘ri  va  axborotli 
tekshiruv metodi ultratovushli tekshiruv hisoblanadi. 
Pastki kosalar deformatsiyasi va «yiqilgan» holati, so‘ligan gul simptomi yoki 
ekskretor urogrammalarda bo‘shliq tizimining asimmetriyasi, shuningdek, miksion 
sistouretrogrammada  siydik  pufagidagi  to‘lish  nuqsoni  tashxisni  tasdiqlaydi. 
Ba’zan  zararlanish  tomonda  siydik  pufagi  devorining  to‘liq  rivojlanmasligi  va 
pastki  siydik  to‘g‘rilovchi  instrumental  bo‘limning  yo‘qligi  tufayli  bo‘ladigan 
pastki  segmentga  reflyuks  kuzatiladi.  Siydik  to‘g‘rilovchining  ifodalangan 
kengayishi  va  egriligi  reflyuksga  emas,  siydik  to‘g‘rilovchi  pastki  bo‘limining 
obstruksiyasiga  olib  kelishi  mumkin.  Juda  katta  ureterotsele  ba’zan  nafaqat 

---

 
226 
zararlanish  tomonda  o‘zgarishlar,  balki  qarama-qarshi  tomonda  obstruksiya  yoki 
reflyuks chaqiradi.  
 Garchi  rentgenologik  ma’lumotlar  bo‘yicha  shubhalanayotgan  tashxisni 
tasdiqlash uchun sistouretroskopiyadan foydalanilsada, lekin ureterotsele har doim 
ham  endoskopik  aniq  namoyon  qilinmasligi  mumkin.  Ektopik  ureterotsele  juda 
aniqlanmagan  chegaralarga  ega  va  ba’zan  siydik  pufagi  bo‘yinchasi  va  uretraning 
sezilarli  qismini  egallaydi.  Ba’zi  holatlarda  sistokopiyada  u  katta  divertikul 
ko‘rinishida  bo‘ladi.  Ureterotsele  teshigini  ko‘rishga  urinishlar  murakkab  bo‘lishi 
mumkin  va  ba’zan  bu  teshik  mutlaqo  kutilmagan  payt  va  tasodifan  ko‘rinadi. 
Siydik  to‘g‘rilash  kateteriga  ulangan  ingichka  igna  orqali  ureterotselening 
inyetsirlanishi  zararlanish  hududini  chizadi.  Bu  usul  operatsiya  vaqtida  siydik 
pufagi ochilganidan so‘ng qo‘llanilishi mumkin.