Teshiktosh g‘ori – Surxon zamini javohiri

---

Teshiktosh g‘ori – Surxon zamini javohiri

  01.04.2020

Surxondaryo viloyatidagi Teshiktosh arxeologik qo‘riqxonasi Boysun tumanida joylashgan bo‘lib, uning tarixi miloddan avvalgi

100-40 ming yilliklarga borib taqaladi. Bu joy ilk bor o‘lkashunos olim G.V.Parfenov tomonidan o‘tgan asrning 30-yillarida

aniqlangan.

1938-1939 yillarda Teshiktosh g‘orida Aleksey Okladnikov boshchiligida arxeologik qazishma ishlari o‘tkazilgan.

Teshiktosh g‘ori Boysuntog‘ning janubiy yon bag‘rida, Zovtalashsoy darasida, dengiz sathidan 1500 metr balandlikda joylashgan.

G‘or shimoli-sharqqa qaragan bo‘lib, uning kengligi old qismida 20 metr, chuqurligi 21 metr, balandligi 9 metrga teng.

G‘orning madaniy qatlami 1,5 metr bo‘lib, 5 qatlamdan iborat. Har bir qatlam markazida bir yoki bir necha gulxan o‘rni saqlanib

qolgan.

---

Madaniy qatlamlarda 2859 ta toshdan yasalgan mehnat quroli bo‘lib, bundan 2520 tasi - siniq uchrindi, 134 tasi - plastinka

parrakcha, 94 tasi - tosh qurol, 101 tasi - turli shakldagi o‘zak (nukleus) lar va 10 tasi - tosh bo‘lakcha. Tosh qurollardan g‘orda

hayvon terisini tozalashda va uning go‘shtini nimtalashda qirg‘ich, pichoq sifatida foydalanilgan.

Yuqori madaniy qatlamdan 8-9 yoshli qiz bolaning to‘liq bo‘lmagan tana va bosh suyagi qoldiqlari topilib o‘rganilgan. Mayit

atrofida tartib bilan terib qo‘yilgan bir juft tog‘ echkisi shoxlari sanchib qo‘yilgan.

Bundan tashqari, qabrdan tog‘ echkisi, bug‘u, yovvoyi ot, sirtlon, quyon, kemiruvchi va parrandalarning suyaklari topilgan va

o‘rganilgan.