Termiz tumanidagi 5-sonli umumta’lim maktabining Ona tili va adabiyot fani o`qituvchisi bo`riyeva muhayyoning

O’ZBEKISTON RESPUBLIKASI XALQ TA’LIMI VAZIRLIGI

SURXONDARYO VILOYAT XALQ TA’LIMI BOSHQARMASI



Termiz tumanidagi
5-sonli umumta’lim maktabining
Ona tili va adabiyot fani o`qituvchisi BO`RIYEVA MUHAYYONING
“Sintaksis haqida umumiy tushuncha.
So’z birikmasi” mavzusida tayyorlagan
bir soatlik ochiq


DARS ISHLANMASI

2021-2022 o’quv yili
Mavzu: Sintaksis haqida umumiy tushuncha. So’z birikmasi
Darsning maqsadi:
a) ta`limiy maqsad: o`quvchilarga sintaksis va so`z birikmasi haqida ma`lumot berish;
b) tarbiyaviy maqsad: o`quvchilarning insonparvarlik ruhida tarbiyalash
d) rivojlantiruvchi maqsad: o`quvchilarning fikrlash qobiliyatini o`stirish, xotirasini mustahkamlash.
Dars turi: yangi bilim beruvchi
Dars uslubi: noan`anaviy
Dars jihozi: proyektor, kompyuter, rasmlar, tarqatma savollar.
Darsning borishi:
1.Tashkiliy qism: sinf va o`quvchilarning darsga tayyorligi nazorat qilinadi, navbatchi axboroti tinglanadi.
Dars shiori:
Kelib ketma, bilib ket.

2. O`tilgan mavzuni mustahkamlash

O`quvchilarga tarqatma savollar tarqatiladi:

1. 
   Insho mazmun –mohiyatiga ko`ra necha turga bo`linadi?
   

2. Insho nima? Hozirgi tilimizda insho so`zi qanday ma`noda qo`llaniladi?
3. Lug`aviv ma`no ifododalovchi so`zlar guruhi nima deyiladi?
4. Mustaqil fikrlash talab etiladigan insho qanday insho?

5. Epigraf nima? Inshoga epigraf qanday tanlanadi?

6. Qanday insho bo`yoqdorlik va ta`sirchanlikdan holi bo`ladi?

1. 
   Insho mazmun-mohiyatiga ko’ra 3 ga bo’linadi:
   

1) adabiy mavzudagi insho

2) erkin mavzudagi insho
3) ilmiy insho

2. Insho arabcha so’z bo’lib, “yaratish”, “bino qilish”, “qurish” ma’nosini beradi. Insho muallifning ma’lum bir mavzu asosida o’z fikrlarini yozma shaklda bayon qiluvchi kichik asar.

3. Mustaqil so’zlar lug’aviy ma’no anglatadi, so’roqqa javob bo’lib, biror gap bo’lagi vazifasida keladi.

4. Mustaqil fikrlash talab etiladigan insho turi erkin mavzudagi va adabiy insholardir.

5. Inshoning mazmuniga mos keluvchi mashhur hikmatli so’z, maqol, ibora yoki badiiy parcha epigraf deyiladi. Epigraf insho mazmunidan kelib chiqib tanlanadi.

6. Ilmiy insho bo’yoqdorlik va ta’sirchanlikdan holi bo’ladi. Unda axborot aniq va lo’nda ifodalanishi, tushunarli bo’lishi lozim.

3.Yangi mavzu bayoni: