Термиз филиали “анатомия ва клиник анатомия” кафедраси

Патологик анатомия

ЎЗБЕКИСТОН РЕСПУБЛИКАСИ ОЛИЙ ВА ЎРТА
МАХСУС ТАЪЛИМ ВАЗИРЛИГИ


ТОШКЕНТ ТИББИЁТ АКАДЕМИЯСИ


ТЕРМИЗ ФИЛИАЛИ
“АНАТОМИЯ ВА КЛИНИК АНАТОМИЯ” КАФЕДРАСИ

“ПАТОЛОГИК АНАТОМИЯ”

ФАНИ БЎЙИЧА
ЎҚУВ-УСЛУБИЙ МАЖМУА


ТЕРМИЗ


МАЖМУАНИНГ ҚИСҚАЧА АННОТАЦИЯСИ


Ўқув-услубий мажмуа – Тошкент тиббиёт академияси Термиз филиали бакалавриат таълими босқичларининг Ўқув режаларида акс этган фанлар бўйича профессор-ўқитувчининг дарс жараёнига ўқув-услубий тайёрлигини тасдиқловчи энг муҳим мезон, меъёрий-услубий ҳужжатдир.
Мажмуанинг асосий мақсади – авваломбор фаннинг ўқитувчиси, худди шунингдек талаба учун, фанни ҳар томонлама сермазмун, чуқур назарий, услубий ва амалий тарзда етказиш (талаба учун – ўзлаштириш) учун ягона ўқув-услубий ва ахборот-ресурс манбаини яратиш ҳисобланади.
_{Ўқув-услубий мажмуа Тошкент тиббиёт академияси Термиз филиали бакалавриат таълим йўналишлари учун мўлжалланган бўлиб, у жумладан қуйидаги таркибий тузилишга эга:}

• 
  _{фаннинг меъёрий-услубий таъминоти,}
  
• 
  _{фаннинг мазмуни ва ахборот-ресурс таъминоти,}
  
• 
  _{фанни ўқитишнинг интерактив технологиялари,}
  
• 
  _{талабаларнинг билимини баҳолаш услубиёти,}
  
• 
  _{қўшимча электрон таълим ресурсларини ўз ичига олган.}
  

Илғор хорижий тажриба билан узвийлик.
_{Мазкур мажмуа илғор хорижий тажрибани кенг ўрганиш, умумлаштириш ва ундан таълим ва тадқиқотлар жараёнида самарали фойдаланиш маҳсулидир.
Ўзбекистон Республикаси Президентининг 2016 йил 26 май қарорида олий ўқув юртлари “жаҳоннинг ривожланган мамлакатларидаги етакчи университетлар ва олий ўқув юртлари билан қалин ҳамкорлик доирасида кенг кўламда иштирок этган ҳолда 2016/2017 ўқув йили бошлангунга қадар барча ўқув режалари ва дастурлари тубдан қайта ишлаб чиқилишини ниҳоясига етказишни таъминласин, фанларни ўқитишнинг эскирган, умрини ўтаб бўлган ёндашув ва услубларидан батамом воз кечишни, бакалавриат ва магистратурада жаҳон фани ва илғор педагогик технологияларнинг замонавий ютуқларига асосланган янги ўқув режалари ва дастурларини жорий этишни, шунингдек, таълим жараёнида уларни амалга ошириш ҳамда олий маълумотли мутахассислар тайёрлаш сифатини ошириш учун етакчи хорижий олимлар ва ўқитувчиларни жалб етишни назарда тутсин”}¹ _{деб алоҳида таъкидланган.
Ушбу қарорда белгиланган вазифаларни амалга ошириш мақсадида таълим ва тадқиқотларнинг мазкур ахборот-ресурс манбаини ишлаб чиқишда Данкин Университети, Массачусетс Технология институти ва Нью-Йорк Давлат Университети (АҚШ), Оксфорд Университети, Бат Университети ва Лондон Метрополитен Университети (Буюк Британия), Бремерхафен Университети (Германия), Нагоя Университети (Япония), Сеул Университети (Корея Республикаси), Шанхай Университети (ХХР) ва бошқа етакчи хорижий университетлар бой ижобий тажрибасидан самарали фойдаланилди.
Мажмуани такомиллаштириш масалалари.
Електрон ўқув-услубий мажмуа ўқув йили мобайнида халқаро ва республика тиббиёт тизимидаги ўзгаришлар ва тенденциялар, янги қабул қилинган қонунлар, фармонлар ва қарорларни, хорижда ва республикада чоп этилган янги ўқув ва илмий адабиётларни, фан-техника ва технология борасида эришилган янги ютуқларни ҳисобга олган ҳолда мунтазам такомиллаштирилиб борилади.}
“Патологик анатомия” фани инсон организмида юзага келадиган патологик жараёнлар, касалликларни юзага келтирувчи сабабларини, ривожланиш механизмларини, патогенезини, бунда ташқи муҳит шароитларининг тутган ўрнини, кечишини, оқибатини ва ривожланиш даврида турли аъзолар ва тизимларда юзага келадиган морфологик ўзгаришларни ўрганади.
Инсон организмида патологик жараёнлар юзага келиши ва ривожланишининг умумий қонуниятларини ўрганиш, чуқур билиш, патологик жараённинг клиник кўринишларини турли тўқималар ва аъзоларда жойланишига кўра турларини ўрганишга имконият яратади ва самарали даволаш ва касалликларнинг профилактикасига имконият яратади. Бу эса турли клиник ва тиббий-биологик фанларни бир бирига боғловчи кўприк вазифасини бажаради, ҳамда бўлғуси умумий амалиёт врачларида клиник фикрлаш, касаллик ва унинг белгиларини асослаш учун замин яратиб беради.