Реферат мавзу: "Абдурауф Фитрат ва мусиқа санъати"

Ўзбекистон Республикаси Олий ва ўрта махсус таълим вазирлиги
Ўзбекистон Республикаси Маданият вазирлиги
Ўзбекистон давлат консерваторияси
"Мусиқа педагогикаси ва психологияси" фани бўйича
РЕФЕРАТ
Мавзу: “Абдурауф Фитрат ва мусиқа санъати”
Бажарувчи: академик хонандалиги, бакалавриат сиртқи,
4-курс талабаси Джуманиязов Отемис
Илмий раҳбар: п.ф.н., пр. Р.Ғ.Қодиров

Тошкент 2021

МУНДАРИЖА

1.Кириш
2.Асосий қисм

Абдурауф Фитрат ва унинг мусиқа санъати
3.Хулоса
4. Фойдаланилган адабиётлар рўйхати


Кириш
ХIX асрнинг охири – XX аср бошларида Ўзбекистонда педагогиканинг ривожланиши тарихида жадидлар (Мунавварқори, Беҳбудий, Фитрат, Чўлпон, Авлоний, Шакурий ва бошқалар)нинг фаолияти ва, жумладан, улар томонидан ташкил этилган янги усулдаги (кўпфанли, ўқитишнинг “синф-дарс” тизимига асосланган) мактаблар катта қизиқиш уйғотади. Юқори даражадаги билимлилик ва маданият, чинакам ватанпарварлик уларга мураккаб ташкилий ишдан ташқари, янги ўқув режалари, дастурларини тузиш, бу мактаблар ўқувчилари учун дарсликлар яратиш имконини берди.
Тарих, адабиёт, география ва бошқа умумтаълим фанлари билан бир қаторда мусиқа дарслари киритилди, шунингдек махсус мусиқа мактаблари очилди. Чунончи, Абдурауф Фитрат 1921 йилда Бухорода Шарқ мусиқа мактаби деб номланган ўқув юртини очди ва унинг биринчи директори бўлди. Бу мактабда мусиқий ижрочиликка ўргатиш мақом куйлари негизида анъанавий оғзаки усулда олиб бориларди. Фитратнинг ташаббуси билан бу мактабда Шашмақом билимдонлари Ота Жалол ва Ота Ғиёслар ёрдамида Бухоро мақомларининг тўлиқ туркуми В.А.Успенский томонидан илк бор нотага ёзилди ва 1924 йилда “Шесть музыкальных поэм” (мақом) номи билан тўплам шаклида нашр этилди. Фитратнинг ўзи мусиқа бўйича «Шашмақом», «Ўзбек мусиқаси тўғрисида» асарлари ҳамда 1927 йилда эски ўзбек ёзувида нашр этилган сермазмун «Ўзбек классик мусиқаси ва унинг тарихи» китоби муаллифи эди.