Термиз давлат университети

 
12.Курс ишини баҳолаш тартиби. 
Курс ишини баҳолаш мезони талабаларда илмий изланишга қизиқиш уйғотиш, уларга 
тўғри таълим-тарбия беришга хизмат қилиши зарур. Шу боисдан ҳар бир ўқитувчи курс ишига 
тақриз ѐзиш масаласига, объектив нуқтаи-назардан ѐндошиб, бажарилган иш талабининг жавоб 
бериш даражасини ҳам ҳисобга олиб баҳоласа мақсадга мувофиқ бўлади.
Курс ишлари сифат даржасига қараб табақаланган ҳолда баҳолангани мақсадга 
мувофиқдир. Янги рейтинг тизими бўйича талабанинг курс ишини 5 баллик тизим асосида 
баҳоланади.
Ўқитувчи тақризда бу ишнинг ижобий томонлари ҳамда камчиликларини ва уларни 
бартараф қилиш йўлларини кўрсатган тақдирда ҳам улар ҳимояга қадар бартараф қилинмаса 
баҳо бир мунча пасайтирилади. 
Курс ишини тўғри расмийлаштиришга жиддий эътибор бериш ҳам муҳим ҳисобланади. 
Чунки курс ишини мазмунли ва етук савияда ѐзиш билан бирга уни дид билан 
расмийлаштиришга эътибор берилса, бу тақризда алоҳида кўрсатилади. 
Шундай қилиб, курс ишининг ҳам ижобий ҳам салбий томонларини таҳлил қилиш, 
талабаларга танланган муаммо бўйича чуқур, назарий ва амалий билимларга эга бўлишга 
кўмаклашади ҳамда уларни келажакда етук мутахассислар бўлиб етишишига ѐрдам беради. 
Талабанинг ѐзган курс ишини ҳеч қандай асоссиз, қониқарсиз баҳолашга йўл қўйиш мумкин 
эмас, акс ҳолда, бу уларнинг хафсаласини пир қилиб, ўқишга бўлган иштиѐқини сўндиради, 
яъни талабанинг ижодий фаолиятига таъсир қилади. Шу боисдан тақризда курс иши мавзуси 
моҳияти қандай даражада ѐритилганлигини ҳар томонлама объектив тахлил қилиб, қўйилган 
баҳони далиллар билан асослаш лозим. 
Академик гуруҳ талабаларининг курс иши ҳимояси якунлангандан сўнг иш жараѐнида 
йўл қўйилган турдош камчилликлар, энг яхши ҳамда сифатсиз ишлар рахбар томонидан тахлил 
қилиниб суҳбат ўтказилади. 
Амалий ва назарий аҳамиятга эга бўлган курс ишлари талабалар илмий тўгараклари 
танловларига тақдим этилади ва университет ректорининг буйруғи билан рағбатлантирилади 
хамда ишлаб чиқаришга жорий этиш учун тақдим этилиши мумкин. 
Хулоса қилиб шуни айтиш мумкинки, курс ишини ѐзиш натижасида талабалар ижодий 
фикрлай бошлайди. Бу эса уларга келгусидаги илмий ишларини ѐзишида катта ѐрдам беради. 

---

13