Termiz davlat universiteti texnika fakulteti

Temir yo’l kesishmalari orqali harakatlanish  
 
17.1. Transport vositalarining haydovchilari temir yo’llarni faqat temir yo’l kesishmalari 
orqali poezd (lokomativ, drezina)larga yo’l berib kesib o’tishlari mumkin. 
 
17.2. Temir yo’l kesishmasiga yaqinlashib kelayotgan haydovchi yo’l belgilari va 
chiziqlariga, svetofor ishoralariga, shlagbaum holatiga, kesishma navbatchisining ko’rsatmalariga 
amal qilishi, yaqinlashib kelayotgan poezd (lokomativ, drezina) yo’qligiga ishonch hosil qilishi 
shart. 
 
17.3.  Temir yo’l kesishmasiga kirish quyidagi hollarda taqiqlanadi: 
 
Svetofor ishorasidan qathi nazar, shlagbaum yopiq turgan yoki yopila boshlagan holatda; 

---

168 
 
 
SHlagbaumning bor – yo’qligidan, uning holatidan qathi nazar, svetoforning taqiqlovchi 
ishorasida; 
 
Kesishma navbatchisining taqiqlovchi ishorasida (navbatchi haydovchilarga oldi yoki orqasi 
bilan turib tayoqchani, qizil chiroq yoki bayroqchani boshidan ko’tarib tursa yoki qo’llarini yonga 
uzatsa); 
 
Kesishmadan keyin hosil bo’lgan tirbandlik tufayli haydovchi kesishmada to’xtashga majbur 
bo’ladigan hollarda; 
 
Agar ko’rinish chegarasidagi masofada kesishmaga poezd (lokomativ, drezina) yaqinlashib 
kelayotgan bo’lsa; 
 
Bundan tashqari: 
 
Kesishma oldida turgan transport vositalarining qarama – qarshi harakatlanish bo’lagiga 
chiqib aylanib o’tish; 
 
SHlagbaumni o’zboshimchalik bilan ochish; 
 
Kesishma orqali zanjirli qishloq xo’jaligi, yo’l qurilishi va boshqa mashina va boshqa 
mexanizmlarning yurib o’tishi (mexanik transport vositalariga yuklab olib o’tish ruxsat etiladi); 
 
Temir yo’l distantsiyasi boshlig’ining ruxsatisiz tezligi soatiga 8 kilometrdan kam bo’lgan 
transport vositalarini olib o’tish taqiqlanadi. 
 
17.4. Kesishma orqali harakatlanish taqiqlangan hollarda haydovchi to’xtash chizig’i, 2.5 
yo’l belgisi yoki svetofor oldida, ular bo’lmaganda shlakbaumgacha kamida 5 metr, shlagbaum 
bo’lmaganda esa birinchi temir yo’l iziga kamida 10 metr qolganda to’xtatishi kerak. 
 
17.5. Temir yo’l kesishmasida majburan to’xtab qolgan transport vositasining haydovchisi 
daro’ol odamlarni tushirish va kesishmani bo’shatish choralarini ko’rishi kerak. 
 
Agarda kesishmani bo’shatishni iloji bo’lmasa haydovchi: 
 
Imkoniyati bo’lganda yaqinlashib kelayotgan poezd mashinasiga to’xtash ishorasini berish 
qoidasini tushuntirib, ikki kishini temir yo’l yoqasi bo’ylab ikkala tomonga 1000metr  masofaga 
(agar bir kishi bo’lsa uni yo’l yaxshi ko’rinmaydigan tomonga) yuborishi; 
 
Transport vositasining yonida qolishi va umumiy xatar borligi ishorasini berishi; 
 
Poezd ko’ringanda to’xtash ishorasini berib, u kelayotgan tomonga yugurishi kerak. 
 
Eslatma: To’xtash ishorasi qo’lni (kunduzi yorqin mato parchasi yoki aniq ko’rinadigan biror 
narsa bilan) gir aylantirish orqali beriladi. 
 
Umumiy xatar ishorasi bitta uzun va uchta qisqa tovush ishorasi orqali beriladi.  
 
 
 
 
 
 
 
 
 
 
 
 
 
 
 
 
 

---

169