Termiz davlat universiteti texnika fakulteti

 
 
 
Piyodalarning o’tish joylari va belgilangan yo’nalishdagi transport vositalarining bekatlari 
 
Transport vositasining haydovchisi tartibga solinmagan piyodalar o’tish joyida qatnov 
qismidan o’tayotgan piyodalarga yo’l berishi shart. 
 
Agar tartibga solinmagan piyodalar o’tish joyi oldida transport vositasi harakatini 
sekinlashtirsa yoki to’xtatsa, qo’shni bo’laklarda harakatlanayotgan boshqa haydovchilar bu 
Transport vositasi oldida piyodalar yo’qligiga ishonch hosil qilganlaridan so’nggina harakatlanishni 
davom ettirishlari mumkin. 
 
Tartibga solingan piyodalar o’tish joylarida haydovchilar svetoforning ruxsat etuvchi ishorasi 
yongan taqdirda ham piyodalarga qatnov qismini shu yo’nalishda kesib o’tishni tugallashga imkon 
berishi kerak. 
 
Agarda, piyodalar o’tish joylaridan keyin paydo bo’lgan tirbandlik tufayli haydovchi 
piyodalar o’tish joyoida to’xtashga majbur bo’ladigan bo’lsa, bunday piyodalar o’tish joylariga 
kirish taqiqlanadi. 

---

167 
 
 
Barcha hollarda, shu jumladan, piyodalar o’tish joylaridan tashqarida ham haydovchi oq 
xassa bilan ishora berayotgan ko’zi ojiz piyodalarni o’tkazib yuborishi kerak. 
 
Agar piyodalarni tushirish yoki chiqarish qatnov qismida yoki unda joylashgan 
maydonchada amalga oshirilayotgan bo’lsa, haydovchi bekatda to’xtagan belgilangan yo’nalishdagi 
transport vositasi eshiklari tomon borayotgan yoki undan kelayotgan piyodalarga yo’l berishi kerak. 
 
 “Bolalar guruhini tashash” taniqlik belgisi o’rnatilgan transport vositasi to’xtab turganda, 
unga yaqinlashayotgan haydovchi harakat tezligini kamaytirishi, zarur bo’lsa to’xtatishi va bolalar 
guruhini o’tkazib yuborishi kerak.