Termiz davlat universiteti tarix fakulteti

Fanni o‘qitishda zamonaviy axborot va

pedagogik texnologiyalar
Magistrlarning O‘zbekistonda millatlararo munosabatlar va bag‘rikenglik fanini o‘zlashtirishlari uchun o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tadbiq qilish muhim ahamiyatga egadir. Fanni o‘zlashtirishda darslik, o‘quv - uslubiy qo‘llanmalar, ma’ruza matnlari, elektron materiallar, foydalaniladi. Ma’ruza va amaliy mashg‘ulotlarni o‘tkazishda ularga mos ravishdagi ilg‘or pedagogik texnologiyalardan foydalaniladi.
Asosiy qism
Ushbu maxsus kursni ishlab chiqishning dolzarbligi ham ilmiy va o‘quv-uslubiy tarzdagi, ham amaliy tarzdagi omillar bilan belgilanadi. Maxsus kurs eng qadimgi davrlardan boshlab hozirgi kungacha bo‘lgan barcha tarixiy bosqichlarda millatlararo munosabatlar va tolerantlik munosabatlarini qamrab oladi. Dasturda o‘zbek xalqi tolerantligi (bag‘rikengligi) ning tarixiy ildizlari, O‘zbekistonning mustaqillik davrida millatlararo munosabat sohasidagi davlat siyosati, respublikadagi demografik jarayonlar, globallashuv va tolerantlik muammolari ochib berilganligi uning ijobiy jihatidir.

Mazkur maxsus kursni O‘zbekiston Milliy universitetidagina emas, boshqa o‘quv yurtlarida ham o‘qitish tavsiya etiladi.

Kursning mavzui, maqsad va vazifalari. Uning manbalari va tarixiy ildizlari. Etnoslararo munosabatlar va tolerantlik – ijtimoiy fanlarning dolzarb mavzui. Milliy hodisalarning madaniyat, iqtisodiyot, siyosat, shaxslararo, guruhlararo va xalqaro munosabatlar sohalari bilan o‘zaro bog‘liqligi. Dunyodagi globallashuv va milliy masala. Globallashuv va tolerantlik, globallashuv va etnik tolerantlik tushunchasi. Etnos, etniklik, millat, etnik ozchiliklar, etnoslararo munosabatlar, diaspora, irredenta va hokazo tushunchalari.

O‘zbekiston hududida etnoslararo va dinlararo tolerantlik paydo bo‘lishining tarixiy bosqichlari. O‘rganiladigan kursning metodologik muammolari.