Termiz davlat universiteti tabiiy

2.2. Sarvnamolar - Cupressales qabilasi sarvdoshlar-Cupresaceae oilasi
Sarvdoshlar - Cupresaceae oilasiga 19 ta turkum 130-150 ga yaqin tur kiradi, ular har ikkala yarim sharda ham tarqalgan. Oila vakillari bir yoki ikki uyli daraxt va butalar bo‘lib, ularda smola yo‘llari bo’lmaydi. Barglari ninasimon yoki tangachasimon novdada qarama - qarshi yoki halqasimon o‘rnashgan, Erkaklik (changchi) qubbalari yakka holda bo‘lib, mikrosporafillari qalqonsimon, mikrosporangiylari 2-6 ta. Erkaklik gametofiti r duksiyalangan.
Urg‘ochi (urug’chi) qubbasida qoplag'ich tangacha barg va urug‘ tangachasi qo‘shilib o‘sib, bittaga aylangan, qoplag‘ich tangacha bargi yog‘ochlangan yoki yumshoq etli (archalar)dir. Sarv (kiparis) - Cupressus turkumi 15-20 ta turga ega, balandligi 30-50 m, bir uyli daraxt va buta o‘simlik. O‘rta Yer dengizining atrofida, Himolay, Janubiy Xitoy va Amerikada tarqalgan. Qrim, Qora dengiz qirg‘oqlarida, ayrim turlari O‘zbekistonda ham manzarali o‘simlik sifatida o‘stiriladi. Doimiy yashil sarv - 30 m li, 2000 yilgacha umr ko‘radi. O’zbekistonda piramidasimon sarv Toshkent, Samarqand, Farg‘ona vodiysida uchraydi.
-rasm:sarv-cupressesus
Tuya (Thuja) turkumi bir uyli daraxt va butalardan iborat bo‘lib, 6 turga ega. Shulardan G‘arb tuyasi (Thuja occidentales) asosan Xitoyda tarqalgan. Manbalarda ko‘rsatilishicha, Sharq tuyasi sarv O’rta Osiyoda muqaddas daraxt sifatida o‘stirilgan.
Archa - Juniperus turkumiga 14 ta tur kiradi. MDH florasida 21 turi uchraydi. Shundan 3 ta turi Zarafshon archasi - Juniperus seravschanica yarim sharsimon va Turkiston archasi (Juniperus turkistanica) O’zbekistonning togli hududlarida tarqalgan.