Termiz davlat universiteti sport faoliyati va boshqaruv fakulteti

II.BOB. Basketboll oʻyini taktikasini oʻrgatish haqida umumiy tushuncha
II 1. Taktika tasnifi
Taktika – bu sport kurashi olib borishning usul va koʻrinishlarini, tadbirlarini oʻyinning rivojlanish qonuniyatlarini va aniq raqibga qarshi ularni ratsiyonal qoʻllashni amaliy va nazariy jihatdan oʻrganadigan boʻlimdir
Taktik tayyorgarlik avvalo har xil koʻrinishdagi kombinatsiyalarni oʻrganishni taqoza etadi. Kombinatsiya deganda, basketbolchilardan birining savatga hujum qilish uchun sharoit yaratishga yoʻnaltirilgan, aniq sistema chegarasida guruh yoki jamoaning hamma oʻyinchilari tomonidan ilgaridan oʻrganilgan va oʻzaro kelishilgan harakatlar tushuniladi. Bundan tashqari kombinatsiya, tipovoy oʻzaro harakatlar, ularning uygʻunligi va yigʻilgan musobaqa tajribalari asosida oʻyinchilar tomonidan ijodiy tuzilgan va amalga oshirilgan boʻlishi mumkin.
Basketbol taktikasi oʻyinini olib borishda qoʻllanadigan juda koʻp vositalarga, usullarga va sistemalarga boydir. Jamoalar hujumni yoki himoyani yakka, guruhli va jamoa taktik harakatlari yordamida uyushtiradilar.
Oʻyinning asosiy mazmuniga muvo q taktika hujum va himoya taktikasiga boʻlinadi. Uning har bir boʻlimi oʻyinchilari harakatini tashkil qilish prinsipiga qarab yakka, guruhli va jamoaliga boʻlinadi. Oʻz navbatida, har bir guruh oʻyinni olib borish koʻrinishini hisobga olib, koʻrinishlarga boʻlinadi (masalan, yakka harakatlar, hujum davomida oʻyinchilarning toʻpsiz harakati va oʻyinchining toʻp bilan harakati ham boʻlishi mumkin). Oʻyin harakatlarining aniq mazmuniga qarab koʻrinishlar usullarga boʻlinadi. Bajarishning har xil xususiyatlarga ega boʻlgan usullar variantlarning paydo boʻlishiga sabab boʻlishadi. Masalan, markaziy oʻyinchi orqali hujum qilish sistemasi pozitsion hujum qilish usullaridan biri hisoblanadi. Bir vaqtning oʻzida tayangan markaziy oʻyinchilar sonini hisobga olib, bu sistema uchta variantga ega boʻlishi mumkin: bitta markaziy oʻyinchi orqali, ikkita va uchta markaziy oʻyinchilar orqali hujum qilish.