Термиз давлат университети мактабгача таълим методикаси кафедраси

Фаннинг асосий вазифаси: Талабаларга ўйин назариялари ва амалиётда ўйиннинг етакчилигини назарда тутиш, ривожлантирувчи муҳитни яратиш психологиясини ўргатиш. Машғулотларда ўйинлардан фойдаланиш, таълимий ўйин-машғулотлари ва турли фаолиятларда болалар ўйинини ташкил этиш услубиятини ўргатишдан иборат.


Фан бўйича талабаларнинг билимига, кўникма ва малакаларига қўйиладиган талаблар:

Ўйин назариялари, ўйиннинг етакчилиги, турли ёш даврларида ўйиннинг вазифалари ва моҳияти масалалари юзасидан ўз фикрини баён қила олиши ва илмий асослай билиши, мактабгача ёш даврида ўйин психик тараққиётнинг асосий омили эканлиги ҳақида, болалар ўйинининг педагогик психологик аҳамияти тўғрисида нуқтаи назарга эга бўлиши; Ўйин психологияси моҳияти, ўйин ва унинг турлари, ўйин машғулотларни ташкил этиш кўникмасига эга бўлиши лозим. Ўйиннинг бола шахси психик тараққиётидаги ўрнини билиши лозим.

Фаннинг ўқув режадаги бошқа фанлар билан ўзаро боғлиқлиги
“Ўйин психологияси” фани талаба танлови фанлари қаторига кириб, 5-6-семестрда ўқитилади. “Мактабгача педагогика”, “Умумий психология”, “Болалар психологияси ва психодиагностикаси”, “Нутқ ўстириш назарияси ва методикаси” фанлари назарий асос бўлиб хизмат қилади.


Фаннинг мактабгача таълим соҳасидаги ўрни

Мактабгача таълим муассасаларида таълим-тарбияни педагог-тарбиячи амалга оширади. У педагогик жараёнда марказий ўринни эгаллайди. Шунинг учун тарбиячи ўз сохасини чуқур билиши, ҳар хил методик воситаларни яхши эгаллаган, пухта педагогик психологик тайёргарликка эга бўлиши керак. Шу билан бир қаторда мутахассислик бўйича фанларни назарий ва амалий жиҳатларини ўзлаштириши лозим.

Бугунги мактабгача таълим болаларни ижодий фаолиятга ўргатиш орқали уларнинг инновацион фаолият кўникмаларини шакллантиришни талаб қилмоқда. Янги ишлаб чиқилган Давлат талаблари айнан ўйин фаолиятига асосланганлиги бунга асос бўла олади.