Tеrmiz davlat univеrsitеti kasbiy ta’lim kafedrasi

3. Ustaxonaning isitilishi. O‘quv ustaxonasida olib boriladigan amaliy mashg‘ulotlarda o‘quvchilarning maxsus kiyimda ishlashlarini hisobga olib, yil faslnning turli davrlarida xona temperaturasining 16—20° S atrofida bo‘lishi ta’minlanadi. Bu temperatura o‘quvchilar organizmi uchun eng maqbul temperatura hisoblanadi.
4. Ustaxona polining taxta va havosi namligining normal bo‘lishi. Ustaxona zax bo‘lmasligi kerak. Zax bino o‘quvchilar­ning salomatligiga zarar yetkazish bilan bir qatorda dastgohlarning, yog‘och asbob-uskunalarning, shkaflarning nam tortib bo‘kishiga, shakl va o‘lchamlarining o‘zgarishiga, asboblar me­tall qismlarining, stanoklarning zanglab ishdan chiqishiga sabab bo‘ladi. Shuning uchun o‘quv ustaxonalari polining taxta va havosi namligining normal bo‘lishi talab etiladi.
5. Ustaxonaning shamollatiladigan bo‘lishi. O‘quv ustaxonasida yog‘och ishlanadigan tokarlik dasgohi, arralash va randa­lash stanoklari bilan ishlaganda, mashg‘ulotdan so‘ng ish o‘rinla­ri va ustaxonani yig‘ishtirishda chang ko‘tariladi «Chang zararli, undan qoch» degan gigiyena talabiga amal qilib, ustaxonada ko‘tariladigan changni yo‘qotish maqsadida bino maxsus shamollatgich yordamida yoki .derazd romlarini ochish yo‘li bilan changdan tozalanadi shamollatiladi. Bu ishni mashg‘ulotdan so‘ng navbatchi o‘quvchilar bajaradi. Chang ko‘tarilmasligi uchun polga suv sepish tavsiya etiladi.
6. Ustaxonada qo‘l yuvish uchun suv, sovun, sochiq bo‘lishi va hammasi joy-joyida turishi talab etiladi.
7. Ustaxonaning elektr energiyasi bilan ta’minlanishi. Ustaxonani yoritish, stanoklarni elektr energiyasi bilan ta’minlash maqsadida binoga uch fazali elektr liniyasi o‘tkaziladi Xavfsizlik texvikasi qoidalariga to‘la amal qilgan holda elektr liniyasi umumii taqsimlagich shchitga tortilib undan xonalarga, yoritgich tarmog‘i va stanoklarga taqsimlanadi.
Xavfsizlikni taminlash maqsadida har bir xonaga yoritish tarmog‘i uchun alohida, stanoklar uchun alohida umumiy saqlagichli rubilnik, shuningdek, har bir stanokka alohida-alohida saqlagichli rubilnik o‘rnatilgani ma’qul. Bu narsa bir stanokni ishga sozlash yoki tuzatish vaqtida boshqalarining to‘xtab yoki yoritish tarmog‘ining uzilib qolmasligini ta’minlaydi, ayrim xavfli vaziyatlarning oldini olishga yordam beradi.