Termiz davlat universiteti iqtisodiyotva menejment kafedrasi

Fanning o’quv rejasidagi boshqa fanlar bilan o’zaro bog’liqligi va uslubiy jihatdan uzviyligi
“Statistika” fani asosiy ixtisoslik fanlar majmuasiga taalluqli bo’lib, talabalarga uni II-III semestrda o’qitiladi.
Bu dasturni amalga oshirish o’quv rejasida rejalashtirilgan umummetodologik (Maxsus fanlarni o’qitish metodikasi, axborot tizimlari) fanlari bilan birgalikda yetarli bilim va ko’nikmalarga ega bo’lishlik talab etiladi.
Fanning ishlab chiqarishdagi o’rni
O’zbekiston iqtisodiyotini yanada modernizatsiyalashtirish, xususiy mulkning o’rni va ta’sirini kengaytirish, ishbilarmonlik va tadbirkorlik sohalari uchun barcha zarur imkoniyatlarni yaratish va rag’batlantirishni hozirgi vaqtda hayotning o’zi taqazo etmoqda.
YUqori malakali mutaxassislarni tayyorlashni kengaytirish bilan bir vaqtda oliy ta’lim tizimini tubdan yaxshilash, isloh qilish bugungi kunda eng muhim vazifalardan biri bo’lib qolmoqda. Bu esa, birinchi navbatda, oliy ta’lim yo’nalishlari bo’yicha Davlat talablarda ko’zlangan fanlarning mazmuni va o’quv dasturlarini xalqaro andozalarga moslashtirib takomillashtirishni talab qiladi.
Barcha bozor iqtisodiyoti rivojlangan va taraqqiy eta boshlagan mamlakatlarda, ularning universitetlari va oliy maktablarda yagona statistika kursi o’qitilib kelindi va hozirgi kunda o’qitilmoqda. Ko’p yillar davomida sinovlardan o’tgan mazkur boy tajribani hisobga olib, universitet va institutlarimizda ham ularning yo’nalishlaridan qat’iy nazar, yagona statistika kursini o’quv jarayonlarida ko’zlash maqsadga muvofiq bo’lar edi. SHu bilan birga oliy ta’limning iqtisodiy yo’nalishlari bo’yicha talabalarda statistik tafakkur bunyod etish sohasida yurtimizda to’plangan tajribalardan voz kechish ham noto’g’ri bo’ladi. Bunda statistika nazariyasi bilan bir qatorda ijtimoiy-iqtisodiy statistika va tarmoq statistikalari o’qitib kelinganligi nazarda tutilmoqda. Bu statistika organlari ish faoliyatiga xos masalalar ham yagona statistika kursidan fan nazariyasi va uslubiyati bilan uzviy bog’langan va izchil uyg’unlashgan holda yoritilishi lozim.