Termiz davlat universiteti biologiya kafedrasi

Tajribani yakunlash Ushbu tajriba kamida 3-4 hafta davom etadi. Ana shu vaqtdan keyin tajribani yakunlash mumkin. Ishni yakunlash davomida stakanlardagi eritmaning o’simliklar tomonidan o’zlashtirilgan miqdori hisobga olinadi. Buning uchun birinchi va ikkinchi marta eritmalar almashtirilgan vaqtda variantlardagi har bir o’simliklarga sarf bo’lgan eritma miqdorining o’zgarishi ham hisobga olinishi kerak. Shu bilan birgalikda eritmaning ph miqdorining o’zgarishi ham hisobga olinishi kerak. So’ngra ildizning uzunligi va uning hajmi aniqlanadi. To’plangan ildizlarning hajmini aniqlash uchun ular suv solingan menzurkaga solinadi. Suvning necha millimetr ko’tarilishiga qarab ildizning hajmi aniqlanib, har bir o’simlikning ildiz hajmi hisoblab topiladi. Shundan keyin filtr qog’ozi yordamida ildizdagi suv tomchilari shimdiriladi va uning ho’l og’irligi o’lchanadi. Ho’l og’irligi aniqlangandan so’ng qog’ozdan paketchalar yasab unga solinadi va 105⁰C haroratda maxsus quritgich shkaflarda quritiladi. So’ngra
o’simliklarning bo’yi, barglarning soni va uning sathi aniqlanadi. Shu bilan birgalikda o’simliklarning yer ustki ho’l og’irligi aniqlanib, ular ham paketchalarga solinib 105⁰C da quritiladi. Quritish og’irligida o’zgarish bo’lmaguncha davom ettiriladi. Olingan barcha natijalar quyidagi 2-jadvalga yozib boriladi.
Vazifa:

1. 
   O’simlik maysalarini tayyorlash.
   
2. 
   Idishlarni va turli eritmalarni tayyorlash.
   
3. 
   Tajriba o’tkazish va o’simliklarni parvarish qilish.
   
4. 
   Tajriba natijalarini yakunlash va xulosa.
   

9. 
   laboratoriya ishi.O’simlik kulida uchraydigan elementlarni aniqlash.
   

O’simliklar to’qimalari kuydirilganda kul hosil bo’ladi. Uning kimyoviy tarkibi ancha murakkab va turli tuman elementlardan iborat bo’lib, bu o’simliklar xususiyatiga hamda ular o’sgan tuproqning tarkibiga bog’liq bo’ladi. Umuman, kulning tarkibida Mendeleyev davriy sistemasidagi ko’pgina elementlarni kuzatish mumkin. Ammo ularning miqdori har xil. Kulning tarkibidagi elementlarning miqdorini aniqlash uchun har bir tuz hosil qildigran o’ziga xos xarakterli kristallar tuzilishiga qarab mikrokimyoviy tahlil qilish mumkin. Bu usul ancha yengil, qulay bo’lib, ko’p ish va material talab qilmaydi.