Termiz davlat universiteti arxitektura va qurilish fakulteti bino inshootlar arxitekturasi va qurilish kafedrasi

Bitiruv malakaviy ishi oldi amaliyoti natijalarini rasmiylashtirish
Bitiruv malakaviy ishi oldi amaliyoti jarayonida har bir talaba dastur asosida tuzilgan kalendar rejaga va rahbar tomonidan berilgan shaxsiy topshiriqnomaga mos holda bajargan ishlari to’liq aks ettirilgan “amaliyot kundaligi” ni yuritadi. Bitiruv malakaviy ishi oldi maliyoti tugashi bilan amaliyot kundaligi tashkilot tomonidan biriktirilgan rahbar tomonidan tasdiqlanadi va tashkilot muhri bilan muhrlanadi.
Amaliyot kundaligi talabani haqiqatda amaliyot o’tilganligini tasdiqlovchi hujjat bo’lib, unda amaliyot jarayonida bajarilgan quyidagi ishlar aks ettiriladi:

• 
  talaba tomonidan Bitiruv malakaviy ishi oldi amaliyoti dasturi bajarilishi to’g’risida belgi qo’yilgan kalendar rejasi (reja kafedra tomonidan biriktirilgan rahbar va tashkilot tomonidan biriktirilgan rahbarlar bilan birgalikda tuziladi);
  
• 
  talaba tomonidan bajarilgan ish mazmuni, hajmi, muddati, turlari tahlili va unga tashkilot tomonidan biriktirilgan rahbar tomonidan berilgan baho;
  
• 
  talaba tomonidan o’rganilib chiqilgan ilmiy adabiyotlar (darsliklar, monografiyalar, ilmiy maqolalar to’plami) va me’yoriy-huquqiy materiallar (standartlar, uslubiy materiallar va boshqalar) ro’yxati;
  
• 
  talaba tomonidan Bitiruv malakaviy ishi oldi amaliyoti bo’yicha berilgan xulosa va takliflari;
  
• 
  tashkilot va kafedra tomonidan biriktirilgan amaliyot rahbarlarining talabaga Bitiruv malakaviy ishi oldi amaliyoti o’tishi bo’yicha berilgan qisqacha tavsifnomasi va bahosi;
  

Kundalikdagi va hisobotdagi barcha imzolar Bitiruv malakaviy ishi oldi amaliyoti o’tilgan tashkilot muhri bilan tasdiqlanadi.
Bitiruv malakaviy ishi oldi amaliyoti tugashi bilan talaba tomonidan dastur asosida o’rganilgan va bitiruv malakaviy ishi oldi amaliyoti hisobotini yozishda to’plagan materiallar, statistik ma’lumotlar va me’yoriy hujjatlar nusxalari va ularga qisqacha berilgan fikrlari va tahlillari keltirilgan materiallar ilova qilingan bitiruv malakaviy ishi oldi amaliyoti bo’yicha hisobot rasmiylashtiriladi.
Bitiruv malakaviy ishi oldi amaliyoti bo’yicha hisobotda quyidagilar aks ettiriladi:

1. 
   Kirish:
   
   • 
     Bitiruv malakaviy ishi oldi amaliyoti maqsadi, joyi va muddatlari;
     
   • 
     Bitiruv malakaviy ishi oldi amaliyot o’tashning kеtma-kеtligi, amaliyot jarayonida bajariladigan ishlar ro’yxati;
     
2. 
   Asosiy qism:
   

• 
  bitiruv malakaviy ishi oldi amaliyotida ishning tashkil etilishi tavsifi;
  
• 
  dastur bo’limlari bo’yicha bajarilgan ishlarning umumiy tavsifi;
  
• 
  bitiruvchi talaba tomonidan o’rnatilgan murakkab vaziyatlarning tahlili;
  
• 
  bitiruv malakaviy ishi oldi amaliyoti jarayonida vujudga kelgan qiyinchiliklar bo’yicha ko’rsatmalar;
  
• 
  bitiruv malakaviy ishi oldi amaliyotini o’tash joyida berilgan topshiriqlar va ko’rsatmalarning qisqacha tavsifi.
  

3. 
   Xulosa:
   

• 
  bitiruv malakaviy ishi oldi amaliyoti jarayonida olingan ko’nikmalarning umumiy tavsifi;
  

4. 
   Foydalanilgan adabiyotlar:
   
5. 
   Ilovalar (bitiruv malakaviy ishi mavzusiga oid materiallar: loyihalar, jadvallar, smeta hujjatlari nusxalari, bitiruv malakaviy ishi oldi jarayonlarida lavhalar):
   

Bitiruv malakaviy ishi oldi amaliyoti bo’yicha hisobot standart A4 o’lchamdagi varaqda qo’lyozma yoki kompyuterda bosmada holatda tayyorlanib, rasmiylashtiriladi va (shrift 14-12 punktda, 1,5 interval, varaq o’lchamlari tepadan va pastdan 2-2,5 sm, chap tomondan 3 sm, va o’ng tomondan 1-1,5 sm). Hisobot hajmi (ilovalarsiz) 30-50 varaqdan tashkil etishi lozim. Hisobotda rejada ko’rsatilgan bo’limlari bo’yicha barcha savollarga javoblar; jadvallar, chizmalar, diagrammalar o’z aksini topgan bo’lishi kerak. Har bir bo’limning yakunida xulosa va takliflar berilishi zarur. Bitiruv malakaviy ishi oldi amaliyoti hisobot matnida so’zlarni qisqartirilgan holda yozish qat’iyan man etiladi. Yozilgan matnning oxirida (xulosadan so’ng) muallif imzosi va ishni yakunlagan sana ko’rsatilishi kerak.
Adabiyotlar ro’yxatida o’rganilgan masalalar bo’yicha sohaga tegishli farmonlar, qarorlar, huquqiy, me’yoriy va uslubiy hujjatlar, o’quv-uslubiy qo’llanmalar, monografiyalar, jurnal va gazetalardagi maqolalar to’liq ko’rsatiladi. Adabiyotlar ro’yxatida mualliflarning bo’yicha nomi tarti bilan, bosmaxona, chop etilgan yili va sahifasi ko’rsatilishi kerak. Jurnal va gazeta maqolalari ham tartib bo’yicha maqola muallifi, maqola nomi, jurnal yoki gazeta nomi, yili, sana va sahifasi ko’rsatiladi.
Ilovalarda tashkilot yoki korxonaning ma’lumotlarini va hisob-kitoblarini tasdiqlovchi hujjatlari ko’chirma nusxasi; korxona nizomi nusxasi; yillik hisobotlari va balansi, hujjatlar blankalari va boshqalar bo’lishi shart. Hisobotga ilova qilingan hujjatlar ketma-ketlikda va ilovalar alohida ketma-ketlikda raqamlanadi va tepaga o’ng tomonga “Ilovalar” deb yoziladi.
Bitiruv malakaviy ishi oldi amaliyoti bo’yicha hisobot amaliyot o’tgan tashkilot rahbari imzosi va muhri bilan tasdiqlanadi.
Rasmiylashtirilgan hisobot «Bino-inshootlar arxitekturasi va qurilishi» kafedrasida ro’yxatdan o’tgandan so’ng kafedra mudiri ko’rsatmasi bilan amaliyot bo’yicha mas’ul rahbariga taqriz uchun beriladi.