Термиз давлат университети «ахборот технологиялари» кафедраси

Фаннинг илм-фан ва ишлаб-чиқаришдаги ўрни
“Электрон ҳукумат” фани талабаларнинг маълум бир дунёқарашларини шакллантиришга хизмат қилиш билан бирга уларнинг Ўзбекистон Республикаси ривожида электрон ҳукумат тизимининг ўрни, бугунги ҳолати ва истиқболдаги режалари, “Ягона интерактив давлат хизматлари” ва Ўзбекистон Республикаси Очиқ маълумотлар порталлари, ҳамда “Электрон ҳукумат тизимини ривожлантириш” марказининг мақсад, вазифалари тўғрисидаги зарурий билимларни ҳамда ахборий маданиятни эгаллашларида муҳим аҳамият касб этади. Шунингдек, уларнинг АКТ соҳасида саводхонлигини оширибгина қолмай, фуқаролик ҳисси ривожлантирилади, ўз-ўзига хизмат кўрсатиш имкониятлари кенгайтирилади, Ҳукумат ахборот ресурсларидан қонуний тарзда маълумот олиш малакаси оширилади, жумладан, касбий фаолиятларида ҳам маълум бир ютуқларга эришишларига замин бўлади.


Фанни ўқитишдаги замонавий ахборот ва педагогик технологиялар
Талабаларнинг “Электрон ҳукумат” фанини ўзлаштиришлари учун таълимнинг илғор, инновацион ва замонавий усулларидан фойдаланиш, янги ахборот-педагогик технологияларни татбиқ қилиш муҳим аҳамиятга эгадир. Фанни ўзлаштиришда дарслик, ўқув ва услубий қўлланмалар, маъруза матнлари, амалий ва лаборатория машғулоти учун топшириқлар, турли кўринишдаги амалий вазифалар, электрон материаллар, электрон дарсликлар ҳамда кейс технологиялардан фойдаланилади.
Маъруза, амалий ва лаборатория машғулотларида ўқитишнинг интерфаол усуллари (ақлий ҳужум, муаммоли вазият, кластер технологияси, Нима учун?, Қандай? график органайзерларидан, Инсерт техникаси, ВЕНН диаграммаси, икки томонлама таҳлил, дидактик ўйинлар ва бошқалар)дан, шунингдек, тақдимотлардан ҳамда бир қатор интернет тармоғида жойлашган ҳукумат сайтларидан фойдаланилади.


III. Асосий назарий қисм (маъруза машғулотлари)

“Электрон ҳукумат” тушунчаси, вазифалари ва асосий принциплари.

Электрон ҳукумат тушунчаси. Электрон ҳукумат таърифлари. Электрон ҳукуматнинг асосий вазифалари. Электрон ҳукуматнинг асосий принциплари. Ўзбекистон Республикасида электрон ҳукумат тизимининг ривожланиш босқичлари.

“Электрон ҳукумат” ни давлат томонидан тартибга солишни амалга оширувчи органлар ва уларнинг ваколатлари.

Ўзбекистон Республикаси Вазирлар Маҳкамасининг электрон ҳукумат соҳасидаги ваколатлари. Электрон ҳукумат соҳасидаги ваколатли органнинг ваколатлари. Давлат органларининг электрон ҳукумат соҳасидаги ваколатлари.