Термиз давлат университети «ахборот технологиялари» кафедраси

Фан бўйича талабаларнинг тасаввур, билим, кўникма ва
малакаларига қўйиладиган талаблар
“Электрон ҳукумат” фанини ўзлаштириш жараёнида талаба:

• 
  “Электрон ҳукумат” тизими ривожида замонавий ахборот-коммуникация технологияларининг ўрни; Ўзбекистон Республикасида электрон ҳукумат тизимини ривожланиш босқичлари, бугунги ҳолати ва истиқболдаги режалари; Ўзбекистон Республикаси ҳукумат портали (www.gov.uz), “Ягона интерактив давлат хизматлари” ва Ўзбекистон Республикаси Очиқ маълумотлар порталлари, ҳамда “Электрон ҳукумат тизимини ривожлантириш” марказининг мақсад, вазифалари; “Электрон ҳукумат” ҳақида тушунча; “Электрон ҳукумат” соҳасини давлат томонидан тартибга солишни амалга оширувчи органлар ва уларнинг ваколатлари; электрон ҳукумат тизимидан жисмоний ва юридик шахсларнинг фойдаланиш ҳуқуқлари; “Электрон ҳукумат” архитектураси ва ўзаро муносабат шакллари; “Электрон ҳукумат” тизимида ахборот ресурсларининг конфиденциаллигини таъминлаш; “Электрон ҳукумат” тизимида инновацион технологиялар; электрон ҳукумат тизимини яратиш бўйича хорижий тажрибалар ва уларнинг электрон ҳукумат тизимлари; электрон ҳукумат тизими маълумотлар базаси ва ахборот тизимлари мажмуасини яратиш бўйича чора-тадбирлар ва лойиҳалар ҳақида билимга;
  
• 
  Ўзбекистон Республикаси ҳукумат портали (www.gov.uz), “Ягона интерактив давлат хизматлари” ва Ўзбекистон Республикаси Очиқ маълумотлар порталларидан ахборот-коммуникация технологияларини қўллаган ҳолда фойдаланиш кўникмасига;
  
• 
  замонавий техник ва дастурий воситаларда ишлаш; “Ягона интерактив давлат хизматлари” порталида ишлаш; электрон ҳужжатларни яратиш ва уларни таҳрирлаш; Интернетда мулоқот қилиш ва маълумот алмашиш маданияти; электрон ҳукумат тизими маълумотлар базасидан фойдаланиш малакасига эга бўлиши керак.
  

Фаннинг ўқув режадаги бошқа фанлар билан ўзаро боғлиқлиги ва услубий жиҳатдан узвийлиги
“Электрон ҳукумат” фани ўқув режанинг қўшимча фанлар блоки бандига киритилган курс ҳисобланиб, 3 курсда ўқитилиши мақсадга мувофиқ. Мазкур фан йўналишларда ўқитиладиган “Ахборотларни ҳимоялашнинг криптографик усуллари”, “Тармоқ технологиялари”, “Компьютер тармоқлари”, “Телекоммуникация тизимлари ва тармоқлари”, “Операцион тизимлар”, “Ахборот хавфсизлиги” фанига таянган ҳолда ўргатилади, ҳамда талабаларнинг ахборот-коммуникация технологиялари соҳасидаги билимларини чуқурроқ ўзлаштирилишида муҳим роль ўйнайди.
Талабаларда бу фан бўйича олинган билим кейинги босқичда ўқитиладиган “Миллий ғоя: асосий тушунча ва тамоиллар”, “Ўзбекистонда демократик жамият қуриш назарияси ва амалиёти” фанини ўзлаштирилишида самарали восита бўлиб хизмат қилади. Бу эса ўз навбатида предметлар орасидаги ўзаро боғлиқлик ва услубий жиҳатдан узвийлик борлигини англатади.