Термиз давлат университети «ахборот технологиялари» кафедраси

Порталнинг асосий вазифаси - аҳолининг уй-жой-коммунал соҳа ва коммунал хизмат вакиллари, шунингдек, хусусий уй-жой мулкдорлари ширкатларининг соҳанинг юқори ташкилотлари билан ҳамкорлигини янада такомиллаштиришдир.
Порталнинг мақсади – интерфаол ва ахборот хизматини кўрсатиш орқали коммунал хизматларининг аҳоли, тадбиркорлик субъектлари билан ўзаро ҳамкорлик қилиши учун ягона ахборот маконини ташкил этиш, коммунал хизматлар фаолиятида ошкораликни таъминлашдан иборат.
Портал ёрдамида истеъмолчиларга интерактив хизматлар кўрсатиш мақсадида коммунал хизмат ва хусусий уй-жой мулкдорлари ширкатлари фаолияти қисман автоматлаштирилган.
Амалий қисм:
2. Коммунал хўжалик ва уй жой фонди порталининг ресурслари ва улардан фойдаланиш амалиёти.
Аҳолига қулайлик яратиш мақсадида порталнинг мобил версияси яратилган 12.3.-расм.

12.3.-расм. Коммунал хўжалик ва уй жой фонди порталининг
мобил версияси
Порталда Коммунал хизматлар сайтларига ҳаволалар келтирилган 12.4.-расм. Ушбу ҳаволаларга сичқонча тугмасини босиш орқали ўтилади.

12.4.-расм.

12.5.-расм. “ЎЗТРАНСГАЗ” АЖ веб-сайти

12.5.-расм. “МахсусТранс” веб-портали



12.6.-расм. “ТошИссиқҚуввати” давлат унитар корхонаси расмий веб-сайти



12.7.-расм. Тошкент шаҳар “Сувсоз” давлат унитар корхонаси расмий веб-сайти
Олти йил мобайнида портал янги жиҳатлар билан бойитилиб, замонавий хизматлар, маълумот олиш қамрови кенгайди, фойдаланишга қулай кўринишга келтирилди.
Шу билан бирга, фойдаланувчи ўзининг шахсий кабинетида ҳисоб рақамини кўрсатган ҳолда, ўзининг бирор хизматдаги балансини текшириб кўриши, қарздорлик бор-йўқлигини билиши, хизматлар учун мобил тўловларни амалга ошириши мумкин бўлди. Яна бир аҳамиятли жоҳати -- тўлов амалга оширилганлиги тўғрисидаги квитанциялар фойдаланувчининг шахсий кабинетида сақлаб қўйилади. Фойдаланувчи уларни чоп этиши ёки электрон қурилмасига сақлаб қўйиши мумкин.
Бирор хизмат учун тўлов миқдорини билмаган тақдирда, фойдаланувчи нархни жорий ҳолатга кўра баҳолайдиган онлайн ҳисоблагичдан фойдаланиши мумкин. Фойдаланувчига тезкорлик билан хизмат кўрсатиш мақсадида, порталда коммунал хизматларга оид барча ахборот ва алоқа маълумотлари жам қилинган.
Фойдаланувчи Коммунал хўжалик ва уй жой фонди порталининг ресурсларидан фойдаланиш учун ID.UZ ягона идентификация тизимида рўйхатдан ўтиши ёки ўтган бўлса ID.UZ орқали киришни амалга ошириши керак бўлади 12.8.-12.10-расмлар.

12.8.-расм. Рўйхатдан ўтиш саҳифаси

12.9.-расм. ID.UZ орқали киришни амалга ошириш жараёни

12.10.-расм. Аутентификацияни амалга ошириш ва идентификацияни тасдиқлаш
Фойдаланувчи рўйхатдан ўтгандан кейин, унинг шахсий кабинети очилади (12.11.-расм) ва у хизматлар етказиб берувчиларининг реквизитларини билиб олиши, Коммунал хизматлар балансининг айни вақтдаги ҳолатини текшириши (12.12.-расм), портал маъмуриятига савол билан мурожаат қилиши мумкин.

12.11.-расм. Фойдаланувчи шахсий кабинети ва балансни текшириш
ва тўлаш саҳифаси
Фойдаланувчининг Коммунал хизматлар (масалан: электр таъминоти) балансининг айни вақтдаги ҳолатини текшириш учун қуйидаги вазифаларни бажариш лозим.

1. 
   Балансни текшириш ва тўлаш саҳифасидан “Электр таъминоти” банди танланади.
   
2. 
   Электр таъминоти банди очилади. Ундаги майдонларни тўлдириш талаб этилади.
   
3. 
   “Ҳисоб рақами” майдонига фойдаланувчи ўз электр ҳисоб рақамини киритиши лозим.
   
4. 
   “Ҳудуд” майдонида фойдаланувчининг яшаш вилояти танланади, худди шу каби “Туман” майдонида фойдаланувчининг яшаш тумани ёки шаҳри танланади.
   
5. 
   Балансни текшириш тугмаси босилади ва фойдаланувчининг электр таъминоти бўйича баланси чиқариб берилади.
   

12.12.-расм. Электр таъминоти бўйича балансни текшириш
Фойдаланувчи балансни текширганда электр таъминотидан қарздорлик бўлса тўлаш тугмасини босиш орқали, электрон тўловни амалга ошириш имкониятига эга бўлади. Бундан ташқари фойдаланувчи порталдан Ўй-жой коммунал хўжалик тарифлари (Вилоятни танлаш орқали) тўғрисида маълумотга эга бўлиши мумкин.
Нафақат электр таъминоти балки, газ таъминоти, совуқ сув ва оқава суви, иссиқ сув ва иситиш тизимини, чиқиндиларни чиқариш бўйича интерактив хизматларидан фойдаланиш имконияти мавжуд. Электрон тўлов тизимларидан u-pay ва mbank тўлов тизимлари орқали онлайн тўловни амалга ошириши мумкин.
Порталда Интерактив хизматлар бўлими мавжуд бўлиб, унда бир қанча хизматлар келтирилган:

1. 
   коммунал хизматлар калкулятори
   
2. 
   коммунал хизматлари учун онлайн тўлов ва балансни текшириш
   
3. 
   қурилиш ва таъмирлаш ишлари смета калкулятори
   
4. 
   савол бериш
   
5. 
   сўровномалар
   
6. 
   мурожаат
   
7. 
   тўлов варақаси
   

E-kommunal порталида «Коммунал хизматлар калькулятори» интерфаол хизмати фойдаланувчи рўйхатдан ўтмасдан туриб, электр энергия, табиий газ, иссиқ ва совуқ сув, иситиш, чиқинди учун қанча тўлаши кераклигини ҳисоблаши мумкин. Дастурда ҳисоблагичнинг мавжудлигини ҳисобга олиб, хонадонда яшовчи кишиларнинг сонидан келиб чиқиб турли тарифлар қўйилган. Бу фақат жисмоний шахслар учун мўлжалланган.
Мурожаат бўлимида мурожаат формасини тўлдирилади, зарур ҳолларда эса унга қўшимча файлларни қўшиш имконияти мавжуд. Сўнгра фойдаланувчи томонидан танланган соҳа ва тоифага қараб, тизим унинг мурожаатини тегишли давлат органига жўнатади.
Тўлов варақаси хизматида танланган коммунал тури бўйича тўлов варақа хосил бўлади, тўлов варақа тўлдирилиб, чоп этиш имконияти хам мавжуддир.