Термиз давлат университети «ахборот технологиялари» кафедраси

4. Интернетда бир зумда етказиладиган хабарлар тизими.
IM: Instant Messaging – бир зумда етказиладиган хабарлар хизмати жуда оммавий бўлиб, унинг турли тизимлари мавжуд ва уларнинг барчаси клиент-сервер тартибида ишлайди.
Улардан фойдаланиш учун компьютер интернетга уланган бўлиши керак. Клиент дастури ишга туширилганда у бир зумда етказиладиган хабарларининг логин сервери (IM га уланиш сервери) га уланади.
Сизнинг номингиз ва паролингизни серверга узатилади. Натижада сиз логин серверга кирасиз. Логин сервер сизнинг номингиз ва паролингизни текширади. Агар улар тўғри бўлса, IM серверига уланишга ижозат берилади. Бу уланиш махсус протоколдан фойдаланади. Бу протокол IM нинг тўлиқ фаолият юритиши, жумладан бир зумда етказиладиган хабарлар, оддий ва видео суҳбат, файлларни узатиш каби имкониятларга эга.
Бир зумда етказиладиган хабарлар хизматининг клиент дастурида “ўртоқлар рўйхати” деган имконият мавжуд. Унда хабарлар етказилиши керак бўлган одамларнинг номлари жойланади. Уларнинг компьютерлари ёқилганда ундаги бир зумда етказиладиган хабарлар тизимининг клиент дастури ҳам ишлаб кетади ва улар ҳам хабар алмашишга тайёр бўладилар. Рўйхатдагилардан бирортаси хабар алмашишга тайёр бўлса, бу ҳақида огоҳлантирувчи хабар ўртоқлар рўйхатида пайдо бўлади. Бу рўйхатга янги одамларни қўшиш, эскиларини ўчириб ташлаш мумкин.
IM сервери билан алоқа ўрнатилгач, клиент дастури ўртоқлар рўйхатини серверга жўнатади. Сервер бу рўйхатдаги ҳар бир мижознинг мулоқат учун тайёрлигини текшириб чиқади ва бу жараён сизнинг компьютерингиздаги клиент дастури ишини тугатмагунча давом этади. Агар бу вақтда рўйхат ўзгарса, сервер рўйхатга янги қўшилганларнинг тайёрлигини текшира бошлайди, рўйхатдан ўчирилганларни эса тайёрлигини текширишни тўхтатади.
Сизнинг рўйхатингиздаги бирорта шахс IM дастурини ишга туширса ва унга кирса, сизнинг клиент дастурингиз унинг онлайн тартибига ўтгани ҳақида сизга хабар беради. Сиз унга бир зумлик хабар жўнатишингиз ва ундан хабарни қабул қилишингиз мумкин.
Бир зумлик хабарлар жўнатилганда ва қабул қилинганда улар IM сервери орқали узатилади. Баъзи бир зумлик хабарлар тизимлари иккита шахснинг бевосита мулоқат қилиши кўринишида ташкил қилинади. Бундай тизимларда сервердан фойдаланишмайди.