Termiz agrotexnologiyalar va innovatsion

Bankalarga qadoqlash. Tayyorlangan mevalar yana bir bor inspektsiyalanadi va avtomatlashtirilgan, yarim avtomatlashtirilgan va mexanizatsiyalashtirilgan qo’l qadoqlagichlar yordamida qadoqlanadi.
Qora rangli va yuqori kislotali mevalar laklangan qopqoq bilan berkitiladi, yoki laklangan tunukadan tayrlangan idishlarga qadoqlanadi. Malina, yertut va qora qorag’at faqat shisha taraga qadoqlanadi. Urug’li mevalar, o’rik, shaftoli konservalari ishlab chiqarish uchun ba’zan laklanmagan oq tunukadan tayyorlangan bankalardan foydalaniladi. Ammo bunday bankalarga qadoqlangan nok pushti rangga bo’yaladi, bu rang qalay tuzlari va nokning oshlovchi moddalari orasida borgan kimyoviy reaktsiyalar natijasida vujudga keladi.
Olma, nok, krijovnikning pushti yoki qizil rangga bo’yalishi uzoq vaqt issiqlik bilan ishlov berish natijasida ham vujudga keladi. Bu payt oshlovchi moddalarning kondensatsiyasi ro’y beradi, natijada qizil rangli yuqori molekulali amorf birikmalar hosil bo’ladi. Laklanmagan temir idishga qadoqlangan shaftoli va o’rik kompotlarida ba’zan metall ta’mi seziladi, shuning uchun kompotlarni har doim shisha yoki laklangan tunukadan tayyorlangan taraga qadoqlash tavsiya etiladi. Meva bankalarga qadoqlanganda ularning sof og’irligi konserva sof og’irligining 60-65%-ni tashkil etadi.
Sirop tayyorlash. Sirop tayorlash uchun shakar qaynab turgan suvda eritiladi. Sirop 500C-gacha isitilganda uni shaffoflantirish uchun unga ozuqaviy albumin (4 g albumin 100 kg shakarga) yoki tuxum oqi qo’shiladi. Isitilganda oqsil o’raladi va ko’pikka aylanib yuzaga chiqadi, u o’zi bilan sirop tarkibidagi
mayda zarralarni olib chiqadi. Ko’pik olib tashlanadi, sirop esa zich gazlamadan o’tkazish yo’li bilan filtrlanadi.
Tayyor sirop shaffof, mexanik primeslarsiz bo’lishi kerak. Qand zavodlaridan quruq modda miqdori 64% bo’lgan sirop olish maqsadga muvofiq bo’ladi. Ularning 99,55 - 99,8%-i saxarozadan iborat, kul miqdori 0,03%-ni tashkil etadi, zaiflashtiruvchi moddalar 0,05%. Suyuq qanddan sirop
tayyorlash uchun u kerakli kontsentratsiyagacha qaynatilgan suv bilan aralashtiriladi va filtrlanadi. Mevaning turi va quruq modda miqdoriga qarab olma siropining kontsentratsiyasi 26-32%, yertut siropining kontsentratsiyasi 66-70% oralig’ida bo’ladi; oshxona kompotlari uchun 16-20% (mayda mevali o’rik)-dan 36-40% (tog’ olchasi, tkemali)-gacha bo’ladi. Nok, ochiq rangli gilos, feyxoa, qovun va ayrim tur o’riklar uchun tayyorlangan siropga 0,2-0,3% miqdorida (qovun uchun siropga 1%) limon yoki uzumtoshi kislotasi qo’shiladi. Bu kompot ta’mini yaxshilaydi va konservani loyqalovchi va bombaj qiluvchi mikroorganizmlar rivojlanishiga yo’l qo’ymaydi.