TerDU. Pi ta`lim va tarbiya nazariyasi va metodikasi fakulteti Maktabgacha ta`lim yo`nalishi 1-kurs magistranti Tavobova ozodaning “Maktabgacha ta`limni boshqarishning ilmiy asoslari fanidan tayyorlagan slaydi

Mavzu: pedagogning kasbiy standartini tushunchasi.

• Mavzu: pedagogning kasbiy standartini tushunchasi.

Таълим муҳитини ташкил килиш. Таълим муҳити боланинг ақлий, ижтимоий, хиссий ва жисмоний ривожланишига жуда катта таъсир кўрсатади. Жисмоний ва руҳий жиҳатдан хавфсиз муҳитни яратиш орқали педагог болаларнинг билим олишга рағбатлантиради. Таълим муҳитини болаларнинг муайян эҳтиёжларига кўра мослаштириш орқали педагог болалар ҳам мустақил равишда, ҳамда ҳамкорликда ишлашларига, турли хил машғулотлар ва топшириқларда иштирок этишлари, дадил бўлишлари ва таълим жараёнида ҳам, кундалик вазиятларда ҳам янада мураккаброқ вазифаларга журъат қила олишларига рағбатлантиради.
Педагогнинг касбий стандарти қуйидаги соҳалар бўйича Мактабгача таълим ташкилотлари педагогига қўйилган талабларни ўз ичига олади:
Таълим ва тарбия жараёнини режалаштириш. Педагог Давлат ўқув дастури асосида ишлаб чиқилган йиллик мавзувий режага асосланиб, ижодий ёндошувдан фойдаланган ҳолда ва болалар биладиган ва тушунадиган нарсаларига таянган ҳолда иш олиб боради. Режалаштириш жараёни ўзининг мақсадга йўналтирилганлиги ва мослашувчанлиги билан ажралиб туради. Педагоглар таълим-тарбия жараёни қандай бораётганлигини ва боланинг ҳаётида нималар юз бераётганлигини, бола қандай ривожланаётганлигини ҳисобга олади ва ҳар бир бола ўз салохиятини тўлиқ намоён қила олиши учун унга қандай ёрдам бериш кераклигини аниқлайди.
Болаларга таълим ва тарбия бериш. Педагог Давлат ўқув дастурида ўрнатилган талабларни бажариши ҳамда ҳар бир болани қуйидаги ривожланиш соҳалари бўйича ривожланишини қўллаб-қувватлаши лозим: жисмоний ривожланиш ва соғлом турмуш тарзининг шаклланиши, ижтимоий-ҳиссий ривожланиш, нутқ, мулоқот, ўқиш ва ёзиш малакалари, билиш жараёнини ривожланиши ҳамда ижодий ривожланиш. Педагог фаол билим олишнинг болалар ёши ва эҳтиёжларига мос келувчи турли хил услублари ва шаклларидан фойдаланган ҳолда таълим жараёнларни мослаштиради.
Болаларнинг ривожланиш жараёнини кузатиш. Болалар ривожланишини аниқлаш ҳеч қандай тестлар ўтказмаган ҳолда, кузатиш орқали амалга оширилади. Педагог болаларни тизимли равишда кузатиб бориш ва бошқа зарур услублардан фойдаланган ҳолда натижаларни таҳлил қилади. Таҳлилдан олинган хулосалардан фойдаланиб, кейинги таълим жараёнини режалаштиради. Педагог муайян болаларнинг қизиқишлари ва эҳтиёжларини эътиборга олган ҳолда келажакда муваффаққиятга эришишлари учун уларни қўллаб-қувватлайди.