Teplovozlarni mexanik qurilmalari

TEPLOVOZLARNI MEXANIK QURILMALARI


Teplovoz aravachasi
teplovozi kuzovi konstruksiyasiga ko‘ra bir xil ikkita uch o‘qli aravachaga tayanadi. Aravacha tortuv elektr dvigatellari tayanch-rama osmali, ikkita mayatniksimon markaziy bosh tayanchlari 4 bilan yopiq, shtamplangan va quyma elementlardan yig‘ilgan ramasiga, o‘z ichiga silindrsimon prujinalar 18, 19, listli ressoralar 15, buksa 16 va ressora 17 balansirlarini olgan, muvozanatlangan ressorali birinchi daraja osmasiga ega. Osmaning ikkinchi darajasiga bosh markaziy tayanchlarning rezinali 5 konussimon amortizatorlari va uskunali kuzovning yarim massasini aravachaga uzatadigan kuzovning prujinali yon tayanchlari 7 kiradi. YOnlama tebranishni so‘ndirish maqsadida rama aravachasi va kuzovning vertikal nisbiy siljishida vtulkalar 8 va 9 ning ishqalanishidan foydalanadilar. O‘z-o‘zidan ma’lumki, ressorali osma uzunasiga (bo‘ylama) tebranishga nisbatan yonlama tebranish uchun ancha yumshoq hisoblanadi. (14.1-rasm).
Ressora osmasi birinchi bosqichining statik bukilishi 94 mm, yon tayanchlar bukilishi 98 mm ga teng. G‘ildirak juftligidan aravacha ramasiga tortuv va tormozlanish kuchlari buksa tizginlari 12 va 13, aravacha ramasidan kuzovga esa – markaziy mayatniksimon tayanchlarning o‘rta qismida o‘rnatilgan tirgaklar orqali uzatiladi. buksalar 10 va 14 tizginli tipga oid. Tizginlarni buksa va aravacha ramasi bilan ulab turgan valiklar rezina vtulkalarga o‘rnatilib, bu uzunasiga yo‘nalishda siljish imkoniyatining oldini oladi va buksalarning vertikal harakatlanishiga yo‘l qo‘yadi.
Tortuv elektr dvigateli aravacha ramasiga rezina amortizatorlar orqali ilingan. Tortuv momentini tortuv elektr dvigatelidan yakoridan g‘ildiraklarga uzatish mexanizmi TEP60 teplovozidagi kabi qoldirilgan, ya’ni ichi bo‘sh val va ikkita sharnir-tizginli muftalar 2. Aravachaning asosiy uzel va detallari TEP60 teplovozi aravachasidan olinganligi sababli (ular konstruksiyasi “TEP60 yo‘lovchi teplovozi” kitobida batafsil bayon etilgan) mazkur bo‘limda asosan nomi keltirilgan kitobda yoritilmagan uzellar va masalalarga e’tibor berildi.
Teplovoz aravachasi quyidagi asosiy guruhlarga ajratilishi mumkin: g‘ildirak-motor bloki, aravacha ramasi, lokomotiv massasining g‘ildirak juftliklariga nisbatan osilishi, tortuv va tormozlanish kuchlarining g‘ildirak juftliklaridan kuzovga uzatilishi, richagli uzatma va tormozning o‘tkazish quvuri.

14.1-rasm. 2TE10M teplovozini arava ramasi