Temperamentni aniqlash uslubi

4 TUR TEMPERAMENTGA XOS BELGILAR 

---

 
MELANXOLIK
— kuchsiz, kamharakat shaxs. Juda hissiyotli, qat’iyatsiz, o‘z kuchiga ishonmaydi. Bir oz 
dangasaroq. His-tuyg‘uva ruhiy holat sekin yuzaga keladi, birok, ular chuqur, kuchli hamda davomiyligi bilan ajralib 
turadi. Melanxolik tez ta’sirlanadi, xafagarchilik va ko‘ngilsizliklarni, tashqi ko‘rinishdan bu kechinmalar kuchsiz 
sezilsa-da, og‘ir qabul qiladi. 
Melanxolik tundlik, yolg‘izlikka moyil, notanish, yangi kishilar bilan muloqotdan qochadi, ko‘p adashadi, yangi 
sharoitda yalqovlanadi. Har qanday yangilik, noodatiylik melanxolikni sarosimada qoldiradi. Odatiy, tinch sharoitda 
bunday temperamentli odam bosiq va sermahsul mehnat qiladi. 
 
XOLERIK
— kuchsiz tip. Bu temperamentdagi shaxs me’yordan ortiq darajada harakatchan, betayin, 
qo‘zg‘aluvchan, har qanday ruhiy (psixik) jarayon unda tez, faol kechadi. 
Qizg‘in hissiyotlar, qiziqqonlik, achchiqlanishga moyillik, jizzaki bo‘lganliklari sababli to‘xtalishlardan xoli. 
Ifodali imo (mimika), shoshqaloq, uzuq-yuluq va notekis nutq, keskin ishoralar, tuturiqsiz harakatlar shu bilan bog‘liq. 
Kuchli hissiyot, odatda, yaqqol ko‘zga tashlanadi, tez paydo bo‘ladi, kayfiyat ba’zan keskin o‘zgaradi. Xolerikka xos 
kuchsizlik, uning faoliyatida ham ko‘zga tashlanadi: u qiziqish va hatto jo‘shqinlik bilan ishga kirishadi (doimiy 
yangilikka intilish), bunda harakatlar tezligi oshadi va avjni oladi, ko‘tarinkilik bilan qiyinchiliklarni engib ishlaydi. 
Biroq asab quvvati tez sarflanishi mumkin, shu bilan faoliyatda keskin sinish yuzaga keladi: ko‘tarinkilik, qiziqish 
yo‘qoladi, kayfiyat tushib ketadi. 
Kishilarbilan suhbatda xolerik keskinlik, jizzakilik, hissiy (emotsional) betayinlikni namoyon qiladi, shuning 
uchun, odatda u jamoa hamda oilada ziddiyatli vaziyatlarni yuzaga keltiradi. Murosasiz. Me’yordan ortiq darajadagi 
to‘g‘rilik, qiziqqonlik, keskinlik, shoshqaloqlik xolerik bilan muomalani og‘ir va yoqimsiz qilib qo‘yadi.