Temir yo’l transportida avtomatika, telemexanika va telekommunikatsiya texnologiyalari

Taqsimlash paneli PR-ETSK EM ning alohida yuklamalari bo'yicha o'zgaruvchan tok ta'minotini taqsimlash, yuklamalarni o'zgaruvchan tokning zaminlangan tarmog'idan izolyatsiya qilish, shuningdek, svetoforlar, marshrut ko'rsatkichlari va tablolarni turli manbalash rejimlariga o'tkazish uchun xizmat qiladi. PR-ETSK (2-rasm) panel asosining har biri 4,5 kV·A ga teng bo'lgan ikkita yuqori quvvatli uch fazali TS1 va TS2 transformatorlari tashkil etadi, transformatorlarning ikkilamchi chulg'amlari ajratilgan bo'lib, ular yakka holda qo'llaniladi va 1,5 kV·A li maksimal faza yuklamasiga mo'ljallangan.

Tablodagi chiroqchalarni impulsli manbalash ikki rejimde: har bir daqiqada 60 ta ketma-ketlik bilan o'chib-yonish va har bir daqiqada 40 ta pirpirash bilan amalga oshiriladi. Shuning uchun ularni shakllantirish uchun ikki blokdan foydalaniladi: BSK2 va BSK3 (RSXM, SXM, SM zanjirlari) Stansiyalarda marshrut ko'rsatkichlar ikki turda bo'lishi mumkin: yo'nalish bo'yicha (oq rangli) va jo'natish yo'llari bo'yicha (yashil rangli).

Kuchlanish ikki marotaba kamayganda, yo'nalishning marshrutli ko'rsatkichlari batamom o'chiriladi (PXU1, PXU2, PXU3 zanjirlar), guruhli svetoforlardagi jo'natish yo'llarining ko'rsatkichlarj T3 transformatorlari orqali 50 V kuchlanishga o'tkaziladi. (PXUSI, PXUS2 zanjirlari). Bir qator marshrutli ko'rsatkichlar EM postidan uzoq masofada joylashgan bo'lishi mumkin. Bu holatda kabel tolalarining sonini kamaytirish maqsadida ularni T2 avtotransformator (PXU2, PXUS2) orqali olinadigan 232 V li orttirilgan kuchlanish bilan manbalash ko'zda tutiladi.