Темир. Темир бирикмалари

30.4.Темирнинг хоссалари.
Намланган ҳавода темир тез қорайиб қолади. Сувда қуйидаги реакция содир бўлади:
2Fe + 3/2O₂ + nH₂O = Fe₂O_3*nH₂O
3Fe + 2O₂ + nH₂O = Fe₃O_4*nH₂O
Кислоталардан водородни сиқиб чиқаради:
Fe + 2HCl = FeCl₂ + H₂
Fe + H₂SO₄ = FeSO₄ + H₂
Концентрланган сулфат кислота билан қайнатилганда SО₂ ҳосил қилиши кузатилади:
2Fe + 6H₂SO₄ = Fe₂(SO₄)₃ + 3SO₂ + 6H₂O

100 % ли конценрланган сулфат кислота темирни пассивлаштиради. Юқори концентрацияли нитрат кислота ҳам темирни пассивлаштиради.

Темир суюлтирилган нитрат кислота билан NO, NO₂, N₂ N₂O ёки жуда суюлтирилган билан NH₄NO₃ (36-расм) ҳосил қилади:
Fe + 4HNO₃ = Fe(NO₃)₃ + NO + 2H₂O



36-расм. Темир билан қайтарилишда нитрат кислота концентрациясининг қайтарилиш маҳсулотларига таъсири.
Хлор иштирокида темирнинг (III) бирикмалари олинади:
2Fe + 3Cl₂ = 2FeCl₃
Олтингугурт билан сулфидлар ҳосил бўлади:
Fe + S = FeS
Азот ва фосфор темир билан фосфидлар, нитридлар ҳосил қилиб, улар металларга хос бирикмалардир: Fe₂N, Fe₄N, Fe₃Si , Fe₃P, Fe₂P.
Темир водород билан гидридлар ҳосил қилади. Булар қуйидагилар FeH, FeH₂, FeH₃ va FeH₆ гидридлар ҳосил бўлади.
Fe⁰ бирикмалари. Агар темир кукуни устидан 150-200 ⁰С ҳароратда 1*104-2*104 кПа босимда CO ўтказилса пентакарбонилтемир ҳосил бўлиши аниқланган:
Fe+5CO=[Fe(CO)₅]

Бу бирикма учувчан сариқ рангли суюқлик (суюқланиш. -20^оС, қайн. ҳарорати 103 ^оС), органик эритувчиларда яхши эрийдиган, лекин сувда эримайдиган модда. Темирнинг яна ҳам мураккаб таркибли карбониллари олинган: : [Fe₂(CO)₉], суюқл. 100^оС. Бу бирикма икки ядроли комплекс ҳисобланади. Темирнинг нитрозиллари [Fe(NO)₅] ҳам олинган. Шунга ўхшаш бирикмалар Ru, Os, Ni учун ҳам хос ҳисобланади.

Fe⁺² бирикмалари. FeO осон оксидланадиган қорамтир тусли кукун. У темирнинг бирикмаларини парчалаб олинади:
FeCO₃ = FeO + CO₂
FeSiO₃ = FeO + SiO₂
Темир (II) гидроксидини олиш учун:
FeSO₄ + 2NaOH = Fe(OH)₂ + Na₂SO₄
Fe(OH)₂ оч кўкимтир рангли кукун, у ҳавода тез қораяди ва охири қўнғир рангли темир (III) гидроксидга айланади:
4Fe(OH)₂+2H₂O+O₂= 4Fe(OH)₃
Темир (II) тузлари осон гидролизга учрайди. . NaOH ва қизил қон тузи Fe²⁺ ионини очиш учун ишлатилади:
FeCl₂+K₃[Fe(CN)₆]=KFe[Fe(CN)₆]  +2KCl
Ҳосил бўлган туз турнбул кўки дейилади.
2FeSO₄ + 2H₂O = (FeOH)₂SO₄ + H₂SO₄
Teмир купороси FeSO_4*7H₂O.
Teмир сульфатни сувли эритмалари қайтарувчи сифатида ишлатилади.
6FeSO₄ + 2HNO₃ + 3H₂SO₄ = 3Fe₂(SO₄)₃ + 2NO + 4H₂O
10FeSO₄ +2KMnO₄ + 8H₂SO₄ =5Fe₂(SO₄)₃ +2MnSO₄ +8H₂O +K₂SO₄

Лабораторияда Мор тузи кўп қўлланилади: (NH₄)₂SO_4*FeSO₄. Темир (II) деярли барча кислоталар билан тузлар ҳосил қилади. Эритмалардан буғлатилганда FeSO_4*7H₂O (темир купороси), Fe(NO₃)_2*6H₂O, FeBr_2*6H₂O, Fe(ClO₄)_2*6H₂O каби кристаллогидратлар ҳосил бўлади. Эритмада [Fe(H₂O)₆²⁺] аква комплекс барарор.

Ёмон эрийдиган тузларга FeS – қора рангли, FeCO₃ – оқ рангли киради. FeSO₄ заҳарли газларни ушлаб қолиш учун ишлатилади. Teмирнинг (II) валентли тузлари кўп. Fe ²⁺ учун координацион сон 6 характерли. [Fe(H₂O)₆²⁺]; [FeF₆]^4- ва бошқа кўп комплекслар ҳам маълум. Уларнинг ичида K₄[Fe(CN)₆] сариқ қон тузи кўп ишлатилади.
Темирнинг анион комплекси-ферратлар беқарор бирикмалардир. Улар кўпроқ қўш тузларга ўхшайди. Масалан, Me₂[FeCl₄], Me₂[Fe(CNS)₄]. Сувсиз муҳитда ва қайтарувчилар иштирокида Fe(OH)₂ ни концентрланган ишқорларда қайнатиб яшил рангли - Na₄[Fe(OH)₆] ва Ba₂[Fe(OH)₆] олинган. Гидроксиферратлар (II) сувли муҳитда тез бузилади.