Tema: Psixologiya pániniń predmeti hám rawajlaniiw tariyxi. Jobası

1.Ulıwma psixologiyanıń predmeti hám wazıypaları. Psixologiya sózi grek tilinen kelip shıqqan rux, jan haqqında bilim degendi ańlatıp, búgingi kúnde bul sóz rux hám psixika haqqında, psixikalıq hádiyselerdi úyreniwshi ilim sıpatında tán alınǵan. Adamnıń ruxıy dúnyası menen baylanıslı barlıq hádiyseler hám processler onıń predmeti esaplanadı. Psixika degenimiz ne? Psixikalıq hádiyselerge neler kiredi degen soraw payda boları sózsiz?

Psixika – bul insannıń ruwxıy jaǵdayı bolıp, ol sırtqı hám ishki ruwxıy álemdi sanalı sáwlelendiriwimizdi, biliwimizdi, ańlawımızdı támiyinleydi. Bul túsinikke ilimiy táriyp beretuǵın bolsaq psixika joqarı dárejedegi materiyanıń ózgesheligi bolıp, obektiv barlıqtıń subektiv sáwleleniwinen ibarat.

Demek, qısqasha etip aytqanda psixologiyanıń predmeti konkret, shaxs, onıń jámiyettegi minez – qulqın hám túrli iskerliktiń ózine tán táreplerin ańlawdan ibarat.

Psixologiya konkret pán sıpatında psixikalıq hádiyselerdiń rawajlanıw nızamlılıqların, onıń payda bolıw mexanizmleri hám tásirlerin úyrenedi. Adamlardıń fizikalıq (biologiyalıq), ruwxıy (psixologiyalıq), sociallıq rawajlanıwı nátiyjesinde jer júzinde materiallıq dúnya, mádeniyat, jazıw, ádebiyat, ilim, texnika jaratılǵan. Bunıń tiykarında insannıń oylawı, sanası, aqıl – oyı, kúshli erki, bekkem xarakteri, dóretiwshiligi qıyal etiwi qáliplesken. Adamzat rawajlanıwınıń dáslepki basqıshlarında adam ózin táshwishlendirgen, hayran qaldırǵan sorawlarǵa juwap izlew múmkinshiligi júzege kelgen. Psixologiya páni insan pazıyleti, rawajlanıw qásiyetleri mexanizmleri hám nızamlılıqların úyrenedi.